تصفح

تسجيل الدخول سجّل اشتراكك


أنت تقرأ

وتيرة الاعرج
غموض / الإثارة
حقيقية: بقلمي حوراء السعيدي غـريب ومُـرعب شيطان عندما يبتسم يكون خلف ابتسامته الغريبه خفايا لايُعلم بها غيره يمتلك القسوه ليس قابل للاصلاح عقله يحثهُ على الاستمرار في مسيرة الضلام اعتادت روحه على الظلام منذ الطفوله صراعه مابين ماضيه وحاضره ح...

#اكشن #الاعرج #انتقام #غياهب #لغز #وتيرة


الوتيرة الثامنة
85.3K 5.4K 1.6K

بواسطة hawraalsaidi
وتيرة_ الاعرج
بقلم: حوراء السعيدي
3
حبايبي لاتنسون التصويت من النجمه+التعليق
بين الفقرات + ومتابعة لحسابي .." 🍂hawraalsaidi
2

اكو ملاحظات باخر البارت اقروها حبايبي
مهمه الكم ..

-درغام: بأستغراب .. الاعرج ؟؟
1
-الاعرج: نعم
-درغام: لقبك غريب لابد اله حكاية
2
- لكُل شي في الحياة حكاية لابد ان تحكى يوماً
- اكيد
صارت نضراتي على رجله مابيها شي سليمه لان الي تكله لقب الاعرج يفكر عنده فد مشكله برجله ضحكت ..
6
- الرجل سليمه ومو يم الموضوع معناها لقبك اله حكاية مثل ماكلت غموضك عجبني
19
- قنبله وداعتك حضرة الضابط درغام
20
كعدنه وصرنا نتبادل بالحديث والمعلومات بديت اسئله ..
-درغام: سكنك وين
-الاعرج: بغداد
- شغلك
- سابقاً بمنطقة ....
- اهلاً وسهلاً بيك بينه
- عزيز الگلب
29
- الله يعزك
مر وكت واحنه نحجي بالشغل كلش عجبني وماغلط مجاهد من كال عنه فعلاً عقله عبقري ومبين ضابط جيد صار وكت يروح وكف ماد ايده وهُوَ يگول ..
4
-الاعرج: النه لقاء اخر ان شاء لله
5
-درغام: حياك
طلع كعدت بمكاني افكر بيه لاشخصيته ولا عقله يعيبهم شي دخل مجاهد صفك بايده ..
-مجاهد: هاااا سيدي شكتلك
-درغام: لحد الان ممتاز بس بعد لازم نشوف شغله يلا نحكم
- نشوفه ليش لا
- انه جعت ومحمد امشي ناكل
1
- يلااا ونخابر عرعوره طك افادي عليه
16
- نهجم بيت افادك يالحنين
- اي والله شكد حنين خرب بوجهك
- امشيي امشيي لاتمسلت عليه ..
**
-غياهب: كاعدين على السفره ناكل ساكتين الى ان ابويه كسر الصمت الي محتلنه
-سلطان: شعجب هل العطلة ما ابالجن تسافرن
15
رديت عليه وانه اكل ..
- بالنسبه الي لا
دار وجهه لحنين الي ما ادري شعجب ساكته عكس طببعتها كل يوم ..
-حنين: انه هم ما اريد اسافر
-سلطان: براحتجن باباتي
5
ابتعدت عن السفره اباوعله مدنك ياكل ساكت باوعت لحنين اتأشرلي بمعنى أجل الي اريد احجي بس يعني لشوكت نبقى مترددين نسئله هل الشي ..
1
- بابا عادي اسئلك سؤال ويكون جوابك صريح النه
- اسئلو بابا
حنين دارت وجها خايفه من ردت فعله ..
1
-غياهب: شنو السبب الي منعك تتزوج خاله وجدان وانتَ حب طفولتها احنه متأكدين اكو سبب قوي خلاك تخطي وتجازف هيج وتكسر بيها
5
رجع الصحن لكدام وعينه بيه هادئ صافن عضيت شفتي لحنين الي مادري شبيها راح تبعرها بس الحمدلله بقت ساكته ..
1
-سلطان: ليش هل السؤال
رجعت شعري لوره اذني اخفي توتري لان ابويه يخوف من يعصب ..
- صح الموضوع ماضي وخاص بيك بس احنه يهمنه نعرف الي صار صارلكم 22 سنه على هل العذاب
9
صار ينقر باطراف اصابيعه على السفره بخفه
رد بهدء ..
- سدن الموضوع ولا تفتحون الماضي
4
- بس يابه م..
ضرب الخاشوووكه بالصحن كمزنه اثنينه انه وحنين
عاط بصوت بعصبيه ..
- كلتتتت سدووو المووضرع غياااهببب
31
دخل الغرفته وجنت متوقعه هاي ردت فعله وماراح ينطي اي جواب دمعت عيون حنين وجها كله انكلب
- شبيج حنين
- ليش تسئلينه تدرين بيه الموضوع لايقبل احد يناقشه ولا ينفتح وشكد ينرفزه
-  ولشوكت يبقى مطمطم كلشي
عفتها وكمت اتوجهت لغرفته دكيت الباب ماجاوبني رجعت دكيته طول يلاا فتحه انفتح الباب شافني ورجع للداخل بس عاف الباب مفتوح دخلت سديته وراي دار وجهه الي وهُوَ موجه كلامه ..
-سلطان: غياهب علمتج تصيرين قويه وجسره بس صايره جسره اكثر من للازم
-غياهب: يابه ياجسره مليت من غموضكم هذه الي عند الكل كل شخص بيكم وراء شي غامض متاكده مثل ماهسه شايفتك كدامي اكو سبب قوي جبرك تسوي كل هذه ويتدمر اكثر من شخص احجي وريح گلبي ليش متحمل العذاب وحدك
7
- اطلعي برا غياهب عووفيني
- واجهني ليش تريد اعوفك واجهني بالحقيقية خالتي وماواجهتها وكسرتها ولليوم بسببك تموت الف موته بداخلها انتَ مثلاً عبالك هيه من رجعت تمارس حياتها طبيعي معناها هايهيه نست كلشي
1
لزمت ايده اباوعله بنضرات توسل ..
- احجيلي احلفك بغلاتنا انه وحنين عندك احجي وريحني
3
كل ملامحه تغيرت كلشي بيه تغير ..
- ما راح تتحملون الحقيقة
26
حجاها بنبره هزت گلبي خفت منها ياترى شنو هاي الحقيقة الي توصل للدمار ورافض يظهرها فزيت من افكاري على صوته ..
- غياهب
- بسرعه جاوبته ... ها بابا راح تحجيلي

هز براسه بمعنى لا وتقدم خطوات للميز فتح المجر طلع منه الدفتر الي مانع منع نهائي احد يلزمه
او يتقرب منه لهل الدفتر رفعه وهُوَ يأكد كل كلمة ..
1
-سلطان: هذه الدفتر يصير عندج باليوم الي اصير بيه جوه التراب غياهب هذه الدفتر بيه كل اجوبة اسئلتج انتِ واختج بيه اكثر من حقيقيه وسر واذا ظهرن هسه راح تدمر اهوايه اشخاص
185
بلعت ريكي وانه ارد عليه ..
- بديت اخاف بابا
ابتسم بوجه مملي حزن وهم لزمني من ايدي طلعني خارج الغرفة وسد الباب بقيت واكفه فترة كبال باب غرفته افكر بكلامه رجعت لحنين جاي امشي وكلعاده اجت رسالة من احد الارقام الي هل فترة تدز رسائل فتحت الرسالة جانت من نفس الرقم الي دزلي صوتج يرهم الاغاني ياس خضر ..
6
بس لحضان ماقريتها اتصنمت بمكاني كاتب بيها ..
-المجهول: أولــريش المُلتقى السبت الساعة 6:06
62
باوعت التاريخ اليوم خميس يعني بعد يومين
رجعت كتبتله ..
-غياهب: اذا جان هذه المُلتقى يخلينه نتعرف عليك ليش لا بانتظارك
5
لزمته جهازي بقوه بايدي لازم اعرف هذه منو وشيريد بالضبط وليش كلامه كله الغاز رغم الذكاء الي املكه بس هل الشخص عجزت افهم او أفسر اي شي خاص بيه وبهل الخطوه راح من بالي هُوَ شلون يعرف اسم أولريش خاص بيه ..
20
مرت يومين خاليه من اي شي وهادئه اليوم السبت يعني اليوم موعد للقاء مالتنه دز رسالة ..
-المجهول: الموقع راح يوصلج
1
-غياهب: كتبتله .. تمام
بقيت كاعدة بغرفتي انتظر حضرته يدز الموقع صرت اهز برجلي طبعي هذه من انتظر شي او اتعصب
وما اكدر احجي تصير سولتي بهل الشي التفتت على صوت الجهاز شفته دزه وكفت البس حذائي وتفكيري ب الراح يصير سحبت جنطتي باهمال ونزلت صارت بوجهي حنين ..
6
-حنين: هاا خير وين
-غياهب: عندي شغله اكملها وارجع ما اتأخر
عبرتها ومشيت استوقفني صوتها من وصلت
يم الباب ..
- غياهب ابويه يدري بهل الطلعه
انجبرت اجذب عليها لان هُوَ ماعنده علم بشي ..
- اي يدري شبيج قابل وين رايحه هنا بالمنطقه ما ابتعد تعاي اقفلي الباب وراي
طلعت سريع لان ادري بيها تبقى تسئل ومو وكتها صعدت بسيارتي شغلتها واخيراً راح نعرف حضرة المجهول منو او ممكن يطلع نفسه الي ابالي ..
14
باوعت للموقع يبعد ساعه تقريباً عن منطقتنا بس ميخالف المهم هسه ياغياهب تعرفين منو هذه الي صارله فترة يلعب وياج ..
4
صرت امشي سريع لان ماباقي شي للوقت المحدد صارت انظاري ع جهازي الي جاي يدك عفيه جهاز يايدك يارسائل وهنا جان المتصل ابويه خففت سرعتي وكفت بجهه هسه اكيد راح يكشفني ويكول ليش طالعه وشعندج فتحت خط ..
-غياهب: هـا يحلو
لأول مره من بعد كل هل السنين تجيني هل النبره الي مليانه فرح من سنوات ماسامعتها ..
2
-سلطان: راح احجي كلشي غياهب راح اكشف كل جذبهم وخداعهم كلشي راح ينفضح اليوم راح ارجع وجدان الي
41
انرسمت ابتسامه فرح على وجهي من خلال كلامه ..
- صدك بابا واخيراً بس جذب شنو ومنو همه
- راح اجي للبيت وتعرفون كلشي
صفنت محتاره راح يرجع للبيت وانه ماموجودة اجاني صوته ومثل ماتوقعت ..
2
-سلطان: شنو هل الصوت انتِ وين طالعه من البيت ؟
-غياهب: هـا اي اي طالعه محتاجين شغلات اشتريهن وارجع ما اتأخر
- ليش ماخابرتني وكتلي اجيب الجن المحتاجاته
- عادي بابا
- انتظرج بالبيت لا تتأخرين بنيتي ولاتمشين سريع
5
- حاضر يابه
سدينه الاتصال جانب مني مرتاح لان راح تنكشف اسرار من سنين مضمومه الكل انظلم بسببها رجعت مشيت واستغفر بداخلي وين صار هذه بتلفات الدنيا ..

**
-وجدان: طلعت من صالة العمليات تعبانه متوجهه لغرفتي ارتاح لان بعد كم ساعه هم عندي عمليه شفت سلطان استغربت شعنده هنا
-سلطان: الله يساعدج دكتورة
1
- ابتسمت .. هلا بيك اليوم عندنه خيرك
رد عليه بهدوء وجان شكله متوتر ..
- اجيت علمودج
- بأستغراب ... علمودي ؟
- اي اذا ماعندج شي ممكن اخذ من وقتج
2
- اتفضل
دخلنه لغرفتي الخاصه بيه بالمستشقى كعدنه صارت عيوني على الدفتر الي بايده بس ما عندي معلومه مال شنو بالضبط بدأ بحديثه الغريب ..
-سلطان: اريد اسئلج عن كم شغله
-وجدان: اتفضل ان شاء لله خير
صارت عيونه بعيوني صافن بيه يتمعن بنضراته دنكت عدلت حجابي رجعت رفعت راسي صار بوجهه شبه ابتسامه شماله هذه الرجال ..
7
- اسمعك اسئل سلطان شنو راح تضل صافن
- چـا شحلاة الصفنه اذا هيج ..
13
غلست عنه ماجاوبت حمحم عيونه على الدفتر
وبدأ يسئل ..
- شنو تذكرين من جنتي بالعمارة ببيتكم القديم
3
ضحكت وانه اهز ايدي ..
- شتذكر بس الكتل والذل مال ابوي
1
- وبعد
- مثل شنو انتَ تقصد
صار يرفع بشعره لوره وايديه يرجفن متوتر ..
- مثلاً اشياء غريبه جذبتج او اشخاص
2
صرت ارجع للماضي احاول اتذكر شي مثل ما كال بس ماتذكرت شي من طفولتي الي كضيتها بذاك البيت غير علاقتي بسلطان شلون جانت وضيم ابوي التفتت اله واحسه منتظر جواب بكل لهفه بس سرعان ماجاوبته غيم وجهه بالحزن ..

- ما اتذكر شي
- حاولي وجدان حاولي تذكرين اي شي
- شبيك ياعيني شجاب هل الاسئله ابالك صارلنه سنين طالعين من ذاك البيت ومن العمارة كلها
- ردت اتأكد من شي
- شنو
راد يحجي اندك الباب التفتنه اثنينه على مصدر الصوت جان دكتور سامر احد الدكاترة الي ويايه
من ضمن عملي ..
2
وكفت احتراماً اله ..
-وجدان: اتفضل دكتور
-سامر: زاد فصلج دكتورة بس اجيت اتناقش وياج بخصوص المريض الي اجانه الصبح اذا عندج وقت
3
- ابالي والله بس اعذرني لان انشغلت وجانت عندي عملية جنت مقرره اكمل واجيك نتناقش بيها وحالياً يمي ضيف ان شاء لله اكمل واجي
1
- ماكو مشكلة دكتورة اخذي راحتج كملي وانه بانتظارج
طلع دكتور سامر التفتت السلطان الي كاعد ماتحرك بس مجرد سلمو على بعض وملامحه مدخنه اعرف كل اطباعه كام وكف ..
3
-سلطان: انه اترخص منج دكتورة اخذي راحتج اكيد مشغوله اخذنه من وقتج
10
-وجدان: لا بس ...
ردت احجي قاطعني وهُوَ يرفع ايده ..
- اخذي راحتج اكيد عندج شغل
طلع كعدت بمكاني شماله هذه الشيب تارس راسه ويسوي سوالف المراهقين رجعت لشغلي اكمل ..

34
**
كُميل: دخلت للشقه شفتها ضلمه هندسه وينها هاي شغلت الضوء مال الصاله واشوفها كدامي غمضت عيوني بنفاذ صبر لازمه الماسحه بايدها وواكفه
-غرام: هذه انتَ ءء شسمه عبالي حرامي
22
- اشتعل شعلان المشعول
26
- منو شعلان
- شعليج عيناي
- شلون عيون عيونك
- لا تضلين تتجعبزين عليه لان عيونج خضر هُوَ غير وجهج بالطول
4
ردت عليه وهيه مافاهمه الي حجيته ..
- شنو تتجعبزين
10
- شعليج
1
واكف احجي وياها والماسحه بعدها بايدها اندك باب الشقه باوعتلها ..
-كُميل: ولج منتظره احد
5
-غرام: لا وانه منو عندي وانتظره مو حجيتلك كلشي
- خاف واحد منا منا هسه يطلع الي سطرتي جذب بجذب وتضحكين عليه والزهره ادفنج هنا
15
- ورسول الله ممجذبه
4
عفتها ورحت افتح الباب ياچلب ابن الچلب جايني هسه وكفت يم الباب قبل لا افتحه أشرتلها تدخل راحت تركض بعبايتها ضحكت على طولها كصيره ولافه روحها بعبايه طالعه قنينه فتحت الباب وباوعت للكدامي ..
9
- هاي شنو خالي منو جايينه اليوم
- ابن اختك
4
- انكس خلق الله ادخل ادخل جوه
7
دخل كدامي وبلحضه نسيت غرام جوه راح من بالي دخلت للمطبخ اجيبله حريشي ماي وسمعت صرختها عفت الكلاص ورحت اركض دخلت شفتها واكفه وهم لازمه الماسحه وخايفه باوعت لهذه واكف منتجي على الحايط ويباوع ببرود يدخن ..
20
-كُميل: ادري شبيج نكرصتي
-غـرام: بارتباك .. منووو هذه وليش داخل هنا
عذرينه عيناي عذرينه هسه اعرفج عليه درت وجهي لهل البغل الي واكف ماتحرك كاتم ضحكتي
2
- خالي شوفي خلي اعرفج على هل الكائن اعرفج على ابن اختي الاعرج ..
161
-غرام: موقف اكبر من موقف انحط بيهن صرت اباوعلهم اثنينهم حجيت بخوف .. ليش اسمه الاعرج
راد يرد عليه كُميل وهذه الاسمه الاعرج رد بس
من يمي نخرطت العافيه من اسلوبه شلون يحجي ..
-ارسلان: كثرة الاسئله مضره بالصحة
19
اعترف خفت منه شلون يحجي فوكاها يحجي ويطكطك بركبته صخام صخمج غرام عفتهم ودخلت اهرول للغرفه قفلتها اصلخ بخدودي اثنين زلم وبيت واحد ياربي انه وين ورطت نفسي ..
6
شجابني على هل الناس الغريبه العجيبه دخيل  اسمك يا ابو الحسنين احميني مر وكت وانه كاعدة مكنبصه بالغرفه اندك الباب چفلت بمكاني وكفت وراه لازمه يدة الباب ..
2
-غرام: ءء منو
3
-كُميل: انه كُميل
- شتريد
- افتحي الباب
- لو تموت وليش افتح الباب فوكاها جايب ابن اختك
- خالي شبيج جبانه وشافطه انتِ
10
- وليش افتح الباب احجي الي عندك وانتَ بمكانك
- ليش تخليني استخدم وياج غير اسلوب تره عندي مفاتيح الغرفة لاتخليني افتحه بنفسي وارسلان راح ماموجود
- منو نوب ارسلان هذه صخام صخمج غرام
- لغسل لهل العيون الي يلمعن .. ارسلان نفسه الاعرج
21
صحت بيه من كد ماضجت ..
- لاااا تغلط
رد وهُوَ الواضح كوه لازم نفسه يحجي ومبين كاز على اسنانه ..
- ولج خوش بس افتحي الباب راح تجلطيني من الله يجلطج خرب روحك شعلان المشعول
3
فتحت الباب وانه وراء مديت راسي ..
- هاا شتريد
ماحس غير دفع الباب ودخل گلبي طاح بحضني
من الچفله الي چفلتها ومالابسه عبايتي لان نزعتها من دخلت للغرفه ركضت سحبتها لبستها وهذه ضاربله صفنه بيه ..
4
- شكو وينن صاافن
حسيته انتبه على نفسه تحمحم وگال ..
-اكلج انتِ وين بيتكم بالضبط بيا منطقه ومن اي عشيرك
1
- ليش تسئل اكيد تريد تخبرهم عني
- غـرام ؟
2
تجمعت دموعي بعيوني رديت عليه مختنكه ..
- هـاا
- خالي انه ادري انتِ بوضع فاقده الثقه بالكل وحقج بهل الشي الي تعرضتيله شي مو سهل وانه ما اريد اسويلج شي بس لازم اتأكد من كلشي يخصج علمود اعرف شتصرف بخصوصج ما اكدر اخليج وياي نفس المكان وانتِ بنيه وانه رجال ماترهم هيج

7
كلامه صح غربه عن بعض وغلط الي جاي يصير انطيته عنوان بيتي وكلشي طلبه ..
- اهلي من الساده آل .... بمنطقة الـ ...
اتوسعت عيونه بصدمه بس انطيته المعلومات
الي طلبها ..
- اووووكفييي اووووكفييي انتِ علوويه ؟؟
46
- اي
صفك ايد بايد بقوه وعصبيه وصار يحجي باعصاب اول مره اشوفه هيج يحجي من اجيت لليوم ..
-كُميل: ولكم ساده وجدكم رسول الله تغتصبون بنيه بالحرام وين تروحون من عذاب ربكم
91
عافني وطلع كعدت حاضنه نفسي ودموعي على خدي مانشفن شنوو ضاملج الزمن بعد ياغرام وهل الرجال مامجبور بيج شنو ذنبه يتحمل مسؤولية
وحده مايعرفها وجابها من الشارع بنص اليل ..

1
**
-نيروز: اكبر خطأ ممكن يقترفه الانسان بحق نفسه من يلجأ لطريق الحب بسن المراهقه بهذه العمر لازم الشخص يحارب لأجل دراسته ومستقبله الي منتظره احلامه طموحاته اهدافه كلها تعتمد عليه خطئي بمراهقتي علمني درس واهوايه شغلات اليوم اذا يجي شخص يسئلني الحب بعمر المراهقه ناجح
ف راح يكون جوابي اله لا ..
38
السبب لان احنه بهذه العمر ماناضجين النضج التام والمطلوب ماواعين الوعي الكافي والمطلوب ولا تعرف شلون تفكر صح او تتصرف وهذه احد الاسباب الي ادت باغلاط اهوايه من فئة الشباب والبنات وسبب الهم دمار وهمه بهذه العمر بسبب العواطف الي بعضنه يدخللها تحت مامسمى الحب يوصلون لمرحلة الاكتئاب والتعب النفسي وانه جنت احد ضحايا هذه الشي بمراهقتي ..
3
خصوصاً البنيه كائن عاطفي جداً ويكدر الشخص يسيطر عليها من خلال العاطفه خصوصاً الي فاقدين الحب والاهتمام بحياتهم انه ماجنت فاقده هل الشي بس العاطفه تحكمت بيه واليوم انه تعلمت درس من هل الخطأ وكدرت اطلع من كلشي والتعب نفسي الي واجهته لسنين كدرت اتخلص منه بسبب شخص واحد بس فزيت من عالم افكاري على صوت امي ..
3
-حياة: نيروز ماما
-نيروز: ها امي
- ابوج يجي للغده
ضربت كصتي بخفه مغمضه عيوني نسيت اكلها خابر مايجي ..
- اسفه بس والله نسيت خابرني كال مايجي
- غير تكليلي
- نسيت وداعتج
وكفت تباوعلي ..
- منو ماخذ عقلج وبالج وهيج تنسين
1
- مو احد
اجت تقربت يمي لميت رجليه جنت مادتهن سويت الها مكان كعدت وتباوع بوجهي ابتسمت بوجها
-نيروز: شبيج امي مضيعه شي بوجهي وهيج تباوعيلي
-حياة: بعدج تخافين ترجعين تكررين خطئج
زفرت نفس بحسره ..
- الي شفته مو شويه تعبت بذيج الفترة وكرهت حتى نفسي بسبب غبائي
- كبرتي والي صار خلي درس الج للمستقبل
2
دخل رماد باوعلنه مقلص عيونه عندنه رماد شكله حلو وصاحب كارزما ولاكانما عمره مايتجاوز 18 سنه حالياً مهتم بنفسه نوب حتى لحيه كامله عنده على كولت بابا من يطلع وياي بطولي ..
11
-رماد: متجمعات الله يستر من جمعتجن
5
-نيروز: وانتَ شغاثك هسه
-حياة: وين جنت دايح يالدايح
-رماد: دايح بعد الدايح وين يروح يديح اكيد بارض الله الواسعة
9
صار هُوَ وامي يداهرون بينهم وهيه تكله ادرس وماتفيدك غير دراستك وماتخلى الكعده من تحرشاته وسوالفه عفتهم ودخلت لغرفتي تمددت فتحت جهازي شفته دازلي مسج فتحته ابتسمت ..
- مشتاقلج نيروز
1
ماعرف شبيه من احجي وياه اصير وحده ثانيه بس انه ما اريد اكرر غلطي وارجع أذي نفسي كبتله وانه احاول اسيطر على دكات گلبي المسموعه ..
3
- شلونك عمر
42
عفت الجهاز وصرت احجي بيني وبين نفسي ومتاكده كل بنيه عندها هل الشي من تبقى وحدها تضل تحجي بداخلها كلشي شغلات ماتكدر تحجيها لغيرها او اتشاركها لاحد ..
10
صح احس بمشاعر تجاهه وصارلي سنتين بس
ما اكدر اخطي اي خطوه ولا اسوي شي لان بصغري خطئت والثمن جان نفسيتي الي تدمرت ما اريد ارجع انخذل وانكسر دك الجهاز وگلبي زادت نبضاته وانه اشوفه هُوَ المتصل فتحت خط حجيت بتوتر وخجل ..
6
-عمر: شلونها العرمه
احس كوه صرت اتنفس صرت اهفي على وجهي شبيج نيروز ما ادري شبيه من احجي وياه شيصير بيه كوه طلعت مني الكلمة ..
-نيروز: احم هـلا
- اوف اوف شمشتاك لهل الصوت الي حارمتني منه
2
- عمر اتادب لاتحجي هيج
2
- ليش شحجيت انه
- تعرف زين شحجيت مايحتاج اعيدلك كلامك
سكت وانه سكتت ما احب نطلع عن اطار موضوع صداقتنا رغم هُوَ ماطالع منه بس الخير والاحترام كسرت حاجز الصمت الي صار بينه
- سكتت عمر
- اريد احجيلج شي
- اي احجي شو شعندك عموره
1
- بس يمكن بعد ماتسمعين هل الشي تصيرين حتى ماتباوعين بوجهي
4
- ههههههههه شلون يعني تره انتَ مكانتك تختلف عندي وتدري انتَ بهل الشي مانسه شلون خليتني اساعد نفسي واتخطى اهوايه شغلات وعلمتني على شغلات جنت غافله عنها
1
سحب نفس بحسره وهُوَ يأكد كلامه ..
- لازم اشوفج
2
- ششوف يمعود هُوَ بالدوام انه ما احجي وياك نوب نتشاوف وتدري بيه هل الفكرة رافضتها ومااسويها

1
- لازم تسوين هل الشي لان الموضوع مو مال على الجهاز
- ما ادري عمر ما ادري انتَ تدري ما احب هل الشي وما اريد اجيب حجايه الاهلي
- ادري بيج والله بس مجبور على هل الشي
- اذا كدرت لان هسه هذه عطله وتدري باهلي صح منطينه مجال بس بحدود
- براحتج
سديته بقيت افكر شنو الشي الي يجبره يلتقي وياي اوف ياعمر مرات احس نفسي ماعرفك وماافهمك سمعت امي تصيحلي على الغده طلعت كعدت بس اصفن حتى ماكلت شي الموضوع اخذ حيز من التفكير بالنسبه الي لان قبل مادف مره وطالب مني نلتقي رغم انه وياه نفس الجامعة بس حتى بالجامعة مانحجي كلش كلش نادراً ..
مر اسبوع وانه احاول الكه طريقه اطلع بيها من البيت طلعت ولازمه گلبي من الي منتظرني شنو الشي المهم الي اصر نلتقي علموده اتفقت ويا ابو التكسي ينتظرني جان رجال جبير هم ماكال شي نزلت ودخلت للمكان الي كالي عليه وگلبي ممرتاح شفته واكف شافني ابتسم واجه باتجاهي ..
2
-عمر: هلا بعرمتي
1
-نيروز: شنو الموضوع
- ليش مستعجله
- ما اكدر اتأخر
أشرلي اكعد على الكرسي كعدت بس ماجنت متخيله ولا متوقعه الي راح اسمعه من التوتر يمكن سير الجنطه اجه ينكطع بكثر ماجريت بيه جان منطيني ظهره دار باتجاهي وصدمني بكلامه ..
- نيروز
- هـا
- انتِ انظف بنيه شفتها بحياتي وما اريد ادخلج بدماري اكثر
9
- مافهمت
- انه مالتقيت بيج صدفه
- ههههههه شلون لعد اذا مو صدفه
- كلشي صار جان مخطط اله
33
- رجعت ضحكت ممصدكه اي شي من كلامه .. شنو احنه بمسلسل هندي
صار يفرك بوجهه بقوه وايده ترجف قبض عليها دنك عليه بجسمه وجهه بوجهي همس بنضرات ضايعه ..
- اتقربت منج لأجل غايه
4
رجفت شفتي خوف بلعت ريكي ...
- ش شنو
ضل مركز بعيوني رجع همس ..
- الانتقام
31
بقيت صافنه مامستوعبه كلامه شنو انتقام شنو مخطط اله كلشي ماجاي افهم وكفت مبتعده عنه
- انتقام شنو شجاي تحجي انتَ شبيك
تقرب يمي لزم ايدي دفعته وصحت بصوت يرجف ..
-نيروز: انتقام شنووو عمرر
-عمر: اسف والله ادري صعبه عليج تتقبلين كلامي بس ما اريد ابقى مستمر وياج ونيتي غير شي
نزلت دموعي وانه احجي بنبرة خيبه ..
- لاتكسرني انتَ الشخص الوحيد الي كدرت اثق بيه
4
- هاي الحقيقة الي ماكدرت اصارحج بيها
نزلت دموعي اكثر بغزاره صار گلبي يأذيني من الي اسمعه رجعت اسئل بيه ..
- انتقام شنو ؟ انتقامك ويامن وانه شنو علاقتي بيه
- ما اكدر احجيلج شي غير الي حجيته هسه
درت وجهي منطيته ظهري ارجف نزعت السلسله الي جابها الي باقيه بركبتي من ذاك اليوم لهذه اليوم
لابستها مانازعتها شهكت بدموعي حافظت عليها كل هل الفترة اكثر من سنه صارلها بركبتي اعترف حبيته واعتربته حب حياتي جنت مفكرة هُوَ الشخص الصح عفتها على الكرسي ودرت وجهي ..

- هسه شنو يا عمر
- كل واحد بينه بطريق راح تتأذين اكثر وياي اذا تبقين

- حسافه بيوم خليت گلبي يدك الك

توسعت عيونه من كلامي رد بعدم فهم ..
- يدك الي ؟
- موفق بانتقامك

طلعت من المكان وانه ارجف وكلي خيبه احاول
ما اخلي دموعي تنزل من بعد الي سمعته مو انه الي تنزل دموعها على رجال فتحت باب السيارة مال التكسي الي جان منتظرني ردت اصعد واجاني صوته ..
-اووكفي
- التفتت اله وعيوني يحركني نار تطلع منهن .. نعم
مد ايده فتحها بيها السلسله الي نزعتها جوه ..

- نسيتيها

رجعت اله بكم خطوه لزمتها ابتسمت باستهزاء وگلبي محترك رجعتها الايده وسديتها بايدي ..
- ما الها داعي بعد العلاقة الي جانت بينه علاقة مخطط الها لأجل انتقامك احتفظ بيها هيه وذكرياتها بالنسبه الي من اليوم انمحه كلشي

رجعت للسيارة صعدت وانه تاركه كلشي وراي حب حياتي وكلشي عشته بهل كم سنه بهل اليوم الخذلان والانكسار الي سببه الي ضافولي صلابه بداخلي ..

**
-حنين: كاعدة وكدامي الايباد مالتي مطلعه فلم حلوياتي كدامي ومنتظره غياهب الي طلعت بعد مارجعت وابويه نفس الحاله سمعت صوت الباب الخارجي أكيد واحد منهم اجه
عفت كلشي كدامي وكفت يم الشباك شفت سيارة ابويه فرحت واخيراً واحد منهم اجه مليت وانه وحدي بالبيت رحت امشي افتح الباب مال البيت
بين مايدخل سيارته ماجنت ادري راح يصير شي مموقعته وكفت يم باب الداخل وهُوَ نزل من سيارته رجع للباب الخارجي يسده بس توقف من شافني واكفه ابتسملي من مكانه ولوحلي بايده ..

مجرد لوح بايده ماسمعت غير صوت طلقتين طلعن متتاليات بنفس الوقت جمدت بمكاني من المظر الي صار كدامي ....



للحكايا بقايا ...!

  تصفح

تسجيل الدخول سجّل اشتراكك


أنت تقرأ

وتيرة الاعرج
غموض / الإثارة
حقيقية: بقلمي حوراء السعيدي غـريب ومُـرعب شيطان عندما يبتسم يكون خلف ابتسامته الغريبه خفايا لايُعلم بها غيره يمتلك القسوه ليس قابل للاصلاح عقله يحثهُ على الاستمرار في مسيرة الضلام اعتادت روحه على الظلام منذ الطفوله صراعه مابين ماضيه وحاضره ح...

#اكشن #الاعرج #انتقام #غياهب #لغز #وتيرة


الوتيرة التاسعة
80.8K 5.3K 1.5K

بواسطة hawraalsaidi
وتيرة_ الاعرج
بقلم: حوراء السعيدي
3
حبايبي لاتنسون التصويت من النجمه+التعليق
بين الفقرات + ومتابعة لحسابي "🍂hawraalsaidi


2
-غياهب: وصلت للمكان نزلت وانه عيوني عليه شنو هل المكان عبارة عن خرابه قديم انخلق خوف بداخلي بس اتحديته صرت امشي باتجاه الباب وصلت كباله جان باب محُطم قديم باوعت للساعه ماباقي اله القليل من الوقت المحدد
3
مديت ايدي على الباب افتحه استوقفني صوت جهازي وهُوَ يدك شفتها حنين مو وكتج هسه حنين فصلته رجعت كررت الاتصال فتحت خط عليها وعيوني تراقب المكان بعدني ماحاجيه واجاني صوتها منتهي ..
103
- حنين شبيج ؟؟
ردت عليه وهيه منهاره گلبي صار يأذيني وانه اسمع صوت شهكاتها اجاني احساس غريب بهل لحضه اكو شي بس ماتوقعت الشي الي راح اسمعه ..
131
-حنين: غـ غياهب
-غياهب: شبيج يروحي
- بااابااا غيااهيبب بااباا
- شبيه ماصارله اهواي من خابرني كال راجع للبيت وانه شويه وراجعه ليش هل البجي بس لازمُرد اجت للبيت غثتج موو انتظريني ارجع واخذلج حكج و..
2
ماخلتني اكمل كلامي وهيه صرخت بصوتهاا ..
- ولججج بااابااا مات مات
44
اتصنمت بمكاني واكفه واحس كلشي توقف عندي فركت عيوني بتوتر وبدت الرجفه تحتلني احاول استوعب كلامها ش شنو مات شتحجين انتِ ؟
2
ماصارله ساعه من حجه وياي سديته منها ورجعت للسيارة وكلي ارجف جسمي شفايفي يرجفن لا مستحيل مايموت هُوَ مايعوفنه اريد افتح السيارة المفاتيح وكعن مني دنكت شلتهن كوه فتحتها
4
اتوجهت لبيتنه صرت امشي سريع ماواعيه على نفسي مافكرت يمكن اتعرض لحادث او لأي شي لاسامح الله اتصل بخوالي ولا واحد يجاوبني رجعت اتصل على حنين حتى هيه صارت ماتجاوبني ..
4
روحي فرفحت بس اريد اوصل ومن بعد معاناة كدرت اوصل وصلت البداية الفرع مال بيتنه الدنيا ليل وكفت السيارة تنفسي صار سريع غمضت عيوني وانه اندب الأمام علي ( عليه السلام ) من بعد
رب العالمين ..
16
رجعت مشيت لحد ماوصلت للباب نزلت وحتى الباب بقى مفتوح صرت بكل خطوه اخطيها ادعي ربي ماصايرله شي ولا حتى الي كالته حنين يطلع صدك وكفت من شفت الدم بعده بالباب گلبي انقبظ من المنظر الي كدامي والناس وهوستها والشرطه ..
2
دخلت جوه لبيتنا شفت حنين بحضن خاله جوهره وكاعدات خاله حياة ونيروز ونسوان عمامي رفعت راسها حنين شافتني اجتني تركض حضنتني بس انه من الي سمعته والي شفته بره احس حيلي كله راح بس رجع الي من كالت حنين ..
1
-حنين: غياهب بابا رجع نبضه والله رجع
55
غمضت عيوني بهدوء زفرت نفس براحه الحمدلله ياربي .. لزمتها من اكتافها وايديه يرجفن احاول اسيطر على رجفتي عاتبتها بگلب مفرفح ..
1
-غياهب: تدرين شسويتي بيه من كلتيلي مات هديتي مني حيل بأكمله كل حيلي انهد من هل الخبر شسويتي بيه حنين
3
حجت من بين دموعها التارسات وجها ..
-حنين: اسفه والله ب بس انه عبالي مات لأن نبضه اتوقف بعدين خالو كال رجع واخذو للمستشفى ردت اتصل عليج اطمنج وانتِ دخلتي
2
- ليش مارايحه للمستشفى
بچت اكثر وتمسح بدموعها ..
- ماقبلو
تركزت عيوني على منظر ملابسها كلها دم ما ادري شلون تحملت هل الموقف كدامها اتنهدت ..
2
- اصعدي بدلي ملابسج نروح للمستشفى
هزت براسها صعدت تبدل كعدت والرجفه بعدها بيه كعدت بصفي خاله جوهره ..
-جوهره: لا تخلين لسانج يغفل عن الدعاء
-غياهب: ان شاء لله
نزلت حنين مبدله والعيون منتهيه سوده عليه طلعنا انه وياها جاي نمشي ووكفت تباوع للمكان الي انضرب بيه ابويه
-حنين: غياهب هنا بابا وكع ماشفتي الدم شلون غركه
1
- اش خلاص كافي اهدئي خلينه نطلع
سحبتها من ايدها صعدنه بالسيارة كالت حنين ..
- انطيني جهازج نسيت جهازي
- شتسوين بيه
- اتصل بـ درغام
- لا عوفي مو هسه الرجال بدوامه كافي عليه ضيمه لاتشغلين باله وتفكيره بعدين خلي نتأكد من وضع بابا وبعدها نتصل عليه
1
اقتنعت بكلامي واتوجهنا للمستشفى طول الطريق ساكتين وبس صوت بچي اختي مسموع شيصير لو اصير مثلها هسه واكدر ابجي وصلنه للمستشفى وكلوبنا ترجف خوف وتوتر دخلنه شفنه خوالي واكفين خالي جابر وعمران اجو علينه ..
8
-عمران: ليش اجيتن بابا مو وصيت ماتجن انه انطيكم خبر بكلشي

2
-غياهب: مو هذه المهم خالي شنو وضع ابويه
1
- بلحضه عبالنه مات لاسامح الله بس رجع نبضه فوراً جبناه للمستشفى دخلو للعمليات وهل منتظرين
بلعت ريكي ..
- يعني راح يعيش مو
باوعلي بنضرات حايره ..
- الاعمار بيد الله ادعوله بنياتي
3
ماحس غير حنين تخربطت عندنه اصعب يوم بحياتي هذه جان ابوي الي بصالة العمليات كلشي ماعرف عنه يعيش لو يموت اختي الي حالتها حاله صرنه نهدي بيها انه وخالي وغسلنالها يلا شويه رجعت احسن حضنتها خايفه عليها ..
2
صارت عيوني على الممر شفت درغام جاي انداريت لخالي اسئله ..
2
- خالي درغام انتَ خابرته
- لا والله يمكن جابر خابره
رفعت حنين رأسها وعيونها حمر من البچي بدون ماتحجي اي شي راحتله تركض حضنته اباوع لخالي ابتسم ودار وجهه من منظرهم ..
21
مرات احسها حابته بس ماتدري بنفسها او ماتعترف لنفسها ومرات اكول لا يمكن تعتبره صديق واخ لا اكثر لان من طفولتها وياه بس الي متأكدة منه انو درغام هايم بيها ولو تطلب روحه ينطيها الها بدون اي تردد أو تفكير ..


22
**
-حنين: واكفه اسمع لكلامهم صارت الأفكار تجيني نخسر ابويه وبعد ما انشوفه صرت اتخيل هل الشغلات اختنكت صرت ادور على نسمة هواء اشمها شهكت لزمتني غياهب وخالي
2
غسلو وجهي غياهب وجها انطعن احمر وعيونها كل الخوف بيها انه ادري مايكسرها شي ولايهزها شي غيريه انه وابويه كدرت ارجع اتنفس طبيعي حضنتني بقوة كأنما تكلي اريد اضمج بداخلي وماخلي شي يأذيج ..
1
سمعتهم كالو اسمه رفعت راسي شفته جاي من بعيد يمشي رحتله ذبيت نفسي بين ايديه ابجي حاضنته بقوتي ..
3
-درغام: ابويه انتِ
5
-حنين: درغام بابا كدامي ... ماكدرت اكمل شهكت أكثر ابچي
- حنيني يروحي كافي لاتبچين ومحمد گلبي مايتحمل هل الدموع ان شاء لله يرجع الكم بالسلامه
12
باوعت لغياهب الي كاعدة بمكانها رجعت باوعتله ..
- يعني صدك يرجع مايعوفنه لو جاي تحجي هيج تضحك عليه
- مايعوفچن كافي مردتي گلبي
8
تقدمنه مشينا لغياهب وخالي سلم عليهم وانه كعدت بصف غياهب
مر وكت وطلعت خالتي وجدان من صالة العمليات اتفاجئنا بوجودها وحالتها تصعب على الكافر ماعرف شلون دخلت للعمليات وركزت وهيه بهل الوضع لازمين گلوبنا من الجواب حجه وياها خالي ..
6
-عمران: بشرو
-وجدان: ما نكدر نحدد وضعه هسه لازم ننتظر
2
تقدمت عليها وكلي امل بكلامها لزمت ايدها ..
-حنين: راح يعيش مو كولي اي خاله فدوه كولي
راح يعيش ومايعوفنه
حضنتني تبجي صرنه نبجي اثنينه
-غياهب: اباوعلهن اثنينهن يبجن ليش انه مومثلهم انه أحسد شخص يبجي ويطلع الي بداخله صفنت عليهن فزيت من افكاري وصفنتي على صوت جهازي جانت رساله ..
10
-المجهول: يكولون الي يكتم ومايكدر يبجي ويطلع الي بداخله موته يصير من وكت حضرة المحامية
53
لزمت جهازي ضاغطه عليه مارديت عليه لان مو بحاله صارت نضراتي تتنقل بارجاء المستشفى شمدرييي هذه جاي افكر هيج راح يفقدني عقلي ..


6
**
-عمر: واكف كباله وادري نتيجة فعلتي ممكن يكون عقابها مو هين حجيتله كلشي حجيته لنيروز رقمني بنضراته رد عليه ببرود
6
-الاعرج: انتَ راح تتحمل مسؤؤلية كلامك
4
- عادي
ردت اطلع استوقفني صوته وهُوَ يگلي ..
- عمر
درت وجهي اله ..
- هـا ارسلان
1
- اذا خرب كلشي مخططله من سنين خلي ابالك شي واحد بس الي هوه ما اخسر عليك غير طلقه وحده براسك
24
- مأ استغرب منك
عافني وطلع الله يعلم وين راح وشنو الي برأسه كعدت افكر بيها اتمنى بيوم تكدر تسامحني بس شتسامح الي سويته وياها مو هين انه كسرتها شلون راح تسامحني وانه اخوي مخطط يدمرهم ..
36
رجعت للبيت تلكتني مليكه لزمتني من ايدي ..
-مليكه: وين جنت
-عمر: ويا ارسلان
- وصخمان وينه
5
- ما ادري وين راح
- ولك عمير البنيه شصار عليها
1
- حجيتلها
لطمت على صدرها وهيه تحجي وتلوم بينه ..
- دشوف حوبتها شلون راح تطلع بيك جان املي بيك ماتمشي وراء تاليتك مشيت من عسا نار انتقامك تحركم ومحد يطفيها
9
عفتها تحجي عليه وعلى ارسلان دخلت لغرفتي ماقابل على كلشي ضربت اضرب على راسي وانه اكول ..
1
- وووينننن جان عقلك وووينننن من وووافقتتتت

17
**
-غرام: جنت نايمه كعدت على اثر كابوس اتعوذت
من الشيطان لأن جان مو زين سمعت صوت جاي من الصاله وكفت فتحت لباب على كيفي شفت هذه الاعرج وكُميل واكفين يحجون ما ادري شبقاني وسمعت كلشي ..
-كُميل: اشوفك هنا
-الاعرج: لازم نحجي
5
- تعال
- هاي البنيه بعدها يمك الي شفتها باخر جيه هنا
3
- اي
- بس ما اتوقع هاي نوعك خال
4
- لا تمسلت مو مثل الي ابالك
1
- مزه
24
- انچب واحجي على شنو جاي
بدء يحجيله وانه صافنه بالي سمعته شنو من بشر هذه ماشوف غير كُميل صار فوكه خانكه ..

3
كُميل: انتم حيووووانات تستخدمون بنات ما الهن
اي علاقة بانتقامكم
6
-الاعرج: ذنبهن من العائله
43
- اهاا معنى كلامك الك ايد باصار ويا ابوها
1
- للأسف لا
2
عاط بيه بصوت ..
- ارسسسسلان
- ثق ؟
- ماعندي اي ثقه بيك بعد الي سمعته هسه ياحيوان
ابتعد عنه كُميل وذاك حركاته غريبه وكلها بهدوء حجه جمله رعبت گلبي ..
1
- انه ما انهي حياة الشخص بسهوله واخلي يرتاح بموته انه احب اتمتع بعذابه واخلي يموت على البطيئ
25
رجع خنكه كُميل ويحجي بعصبيه ويغلط ويسب بيه عافه وهذه الاعرج بقى يكح يضحك صارت عينه عليه كام أشر لـ كُميل بحواجبه عليه وهذه اجاني مثل الثور يمشي رت اسد الباب ولزمه دخل يحبني من ايدي ..
5
-كُميل: انتِ مو جنتي نايمه شكعدج
3
سحبت ايدي منه مهما كان يبقى محرم عليه حجيت بخوف من الي شفته وسمعته ..
-انتَ مجرم
4
- وشايفتني خالي مخلي سلاحي بخصري ومنو يطلع كدامي احط طلقه براسه
5
- بس انه شفت كلشي
- نشاقه عادي بعدج ماتعرفين طبيعة شقانه
3
- اذا شقاكم هيج صدكم شلون
3
صار يتقرب الي وانه ارجع لوره بخوف شبيه هذه جان مو طبيعي شكله مو مثل كل مره الزكت بالحايط بقوة غمضت عيوني بألم ..
-كُميل: خليج بعيدة عن كلشي تشوفينه وتسمعينه
3
-غرام: مجرررم
- خوش
1
- اطلعععع برررررا
1
- بيتي ويعجبني وين ما اريد ابقى ابقى
2
- خبصتني ببيتك يامجررم الله يعلم هل الشكولات الي جاي تجيك للبيت شنو همه بس اكيد مثلك
- خووش
1
صحت بألم ودموعي نزلت ..
- لاااا تكووووول خوووووش
3
-چـا شكول عيناي تريدين اكلج تعاي حووضن اسلامي مثلاً
47
- لاتعوج بحلكك لعبت نفسي
2
- انتن النسوان هيج تحجن
6
- ماا احجي انه هيجج
- مابيج هرمونات انثويه
5
اتنرفزت من كلامه حجيت ماواعيه على كلامي الي حجيته وچفصت بيه ..
- اييي صح ماعندي الهرمونات الأنثوية عندي الذكرية ماتشوفني ارجل منك
76
بقى صافن بوجهي حسيت على چفصتي صخام صخمج غرام الزمي السانج حجيت بتوتر ..
5
- ءء اطلع برا
رد عليه بهدوء وانه كلت هسه يلزمني هنا ويكتلني ..
3
- ظهرج اتأذه
- ءء شعليك انتَ
- خلي اشوفه خالي
9
توسعت عيوني من كلامه تقرب إلي دفعته بقوه
عني صحت بيه ...
- ولك شتشششووف
1
- اتقشمر وياج لغسل لهل العيون الي يلمعن
25
مالحكت ارد عليه دك جهازه عافني وطلع ركضت سديت الباب قفلته خاف يرجع كعدت لازمه ظهري ابجي منه ..


11
**
-نيروز: ما اجاني نوم من جهه موضوع عمر الي لحد الان مجاي استوعبه واتقبله ومن جهه حادث عمو سلطان
14
وكفت افتر بالغرفه ذكرت كلامه من كال اتقربت الج علمود الانتقام بس انتقام شنو ومن منو الانتقام يريد ياخذه زين معقوله اله ايد بـ صار اليوم ويا عمو سلطان ياربي شجاي يصير اندك الباب رحت فتحته جان رماد ..
-رماد: ما نايمه
-نيروز: ليش منو يكدر ينام ماكو خبر عن عمو
- اجيتج علمود هل الشي خابر ابوي كال طلعو من العمليات بس بعده وضعه
- اوف منين اجته خطيه مايستاهل والله
شفته هادئ ساكت مو من عادته تقربت اله لزمته
من كتفه مثل الي نز ..
5
- بيك شي
- هـا انه لا راح انام
- رماد احس بيك شي وضعك ماعاجبني احجيلي
12
- لا بس تعبان وراح انام
ماحبيت الح وياه بالموضوع عفته براحته طلع وسد الباب بقيت كاعدة النوم طاير من عيوني فتحت جهازي دخلت على محادثتي انه وعمر اقرأ بيها شكد علمني على شغلات وشلون نصائحه جانت مفيده الي
ما اتذكر بيوم اذاني بشي أو غلط ويايه بشي ..
1
بس شنو الي جان اباله اكيد جان ويايه علمود ياخذ مني معلومات عن اهلي وانه الغبيه جنت احجيله كلشي وشيسئل اجاوب بس يبقى سؤالي من منو يريد ياخذ انتقامه وشنو سبب هل الانتقام ..


7
**
-غياهب: لليل كله مانمته النوم جفاني دخلت للحمامات اغسل لأن الصداع دمرني ومعدتي تكطع بيه مماكله شي من غده امس غسلت وطلعت من الحمام انصدمت من الي اشوفه كدامي
هذه نفسه الرجال الي شفته بالاسواق ووصلته لمكان بيتهم شيسوي هنا جان واكف بصف درغام يسولفون رحت امشي لحد ماصرت مقابيلهم رقمني بنضرات عاديه كأنما مايعرفني ولا شايفني قبل ..
16
انتبه عليه درغام سئلني ..
-درغام: شلون صرتي خويه
-غياهب: ابتسمت بوجهه .. احسن
عيوني على هذه الوكف يمكن انتبه عليه گال درغام ..
-درغام: الضابط ارسلان وياي بالدوام
25
فتحت حلكي هذه ضابط شكله مال مجرمين شجابه على الضباط استغفرالله رديت ببرود وانما اتصنعت البرود ..
4
-غياهب: هـلا بيه
رد عليه هُوَ بنفس الهدوء ..
-ارسلان: بالمهلي
صاح خالي لـ درغام كال هسه اجي بقينه واكفين احسه يباوعلي التفتت شفتهم بعيدين شويه عنه يعني من نحجي ماراح يسمعونه رجعت التفتت اله ..
-غياهب: انتَ مو نفسك الي وصلتك بذاك اليوم
-ارسلان: امم يمكن

1
- نعم ؟؟ شنو يمكن
- اي انه ماكتيلي شطبختي بذاك اليوم من تمن
3
ردت اكله نزلت وراك وشفتك اختفيت بس اكيد راح يفكر شكيت بيه رجع كال ..
3
- شيلي شعرج الجو حار ماترتاحين هيج وأنتِ
ماشاء لله شعرج طويل
27
- شدعوه هل كد تركيزك قوي ودقيق
3
انرسمت ابتسامه هادئه على ثغره بس احساسي يكلي ابتسامته غريبه رد عليه وهُوَ مخلي ايديه بجيوبه ..
- شغلي انستي
5
- رجاءً بطل كلمة انستي
- اووو ليش اتزعجج انستي
1
- اوووو اهوايه
- دللي
مشيت من يمه وكفختني ريحة عطره حجيت وانه امشي ماعبالي يسمعني ..
- شبيك ماشايف عطوره حاط العطر كله وجاي
83
رد عليه بصوت خافت بس سمعته وهُوَ يگول ..
- ماتكولين الروحج عطرج يسطر اكبر عكال
146
خزرته ورحت كعدت بصف حنين نايمه لان باليل هم مانامت بقت كاعدة بس شنو هل العطر دخل بريتي رجع درغام وكف يمه يسولفون وصوتهم يوصل يمي الي فهمته من خلال حديثهم باجر يلتحق لدوامه وعلساس اليوم بس اتأجلت بس احس هل الارسلان وراء شي واحساسي ميخيب ..


13
**
-درغام: راح ارسلان درت وجهي شفتها كعدت لأن جانت نايمه وغياهب كاعدة بصفها رحت عليهن
راح اجيبلجن اكل من أمس ماماكلات شي لاتتبربدن علينا هنا
1
-غياهب: انه ما اريد جيب بس لحنين
- لا أنتِ هم لازم تاكلين
- اكل وابوي ما ادري شنو وضعه
انقهرت عليها شلون حجتها بصوت مختنك عفتهن ونزلت اجيبلهن اكل لازم ياكلن خومايبقن هيج خابرني علي ..
-درغام: هـا علي
-علي: ها خويه شلون صار عمك
- بعده نفس وضعه ماكو اي تحسن بحالته ويم الله
- ونعم بالله الله كريم الكاتبة ربك يصير محتاج شي
- سلامتك خويه بس شوفلي مجاهد لان هُوَ اجه وياي وكال رايح للبيت يبدل ويرجع وبعد ماشفته اتصلت مايجاوب
- هسه رايحله للبيت اشوفه
سديته منه واخذت للبنات اكل رجعت الهن على نفس كعدتهن حطيته بصفهن
-درغام: بدون اي اعذار عمي هسه حتى لو بس لكمه وحده لايصير هبوط عندجن
2
ماردن عليه اثنينهن سحبت كرسيين كدامي واحد انه كعدت عليه والثاني حطيت الاكل عليه صرت اسويلهن لفات شلت اول لفه قدمتها لغياهب الي عينها على باب غرفة ابوها ..

- غياهب
التفتت الي تمسح على وجها ..
- مو كتلك ماريد ياخويه
- بعد اخوج الخاطري بس شويه
ماحجت شي خذتها مني وبقت صافنه ماتاكل درت لحنين شفتها ابتسمت بتعب ..
-حنين: عبالك اطفال وتوكل بينه
-درغام: هُوَ انتن اطفال شماتكبرن تبقن بعيني هيج
- حتى بابا يكول هيج
نزلت دموعها وتنعل بگلبي من تبجي بس مااكدر امنعها هذه ابوهن مو اي اب ضحى بكلشي علمودهن وعلمود يربيهن ما اتذكر بيوم قصر بشي وياهن جان الهن الاب والام بنفس الوقت ..

على كولته يكول هنه عيوني الي اشوف بيهن وبدونهن ما اشوف شي من الدنيا ..

- يله حنيني هسه لازم ناكل علمود من يكعد عمي تكدرين تشوفينه يعني ترضينها يغمى عليج وماتشوفينه اول مايكعد ومايلكاج كدامه
هزت براسها بمعنى" لا "
- چـا هاج اكلي عسا ما نصها عسا ما لكمه لكمتين المهم تاكلين
بدت تاكل بيها باوعت لغياهب نفس حطتها مماكله شي يمكن حنين اكدر اقنعها بس غياهب شيقنعها عفتها براحتها لأن من تكول لا يعني هايهيه انتهت بعد مايحتاج الواحد يتعب نفسه وياها ..
مر اسبوع كامل وعمي نفس حطته ماكو اي تحسن بحالته والبنات ماتحركن من المستشفى امي جابتلهن حتى ملابسهن شكد حاولت وياهن قافلات ..

بهل الاسبوع مشينه وراء حادث عمي والمشكله عمي سلطان مامخلي كامرات لبيته لو جان مخلي جان عرفنه بسهوله ومستمرين بالبحث لحد الان ماوصلنه لأي خيط يوصلنه لشي ..

اجت عمتي وجدان الي صايرة عبارة عن جسد
بلا روح ..
-وجدان: ليش ماتاخذ البنات للبيت شوف شصاير بيهن
-درغام: على بختج عمه شكد حاولت وياهن مايرضن
- ماكو فائده من كعدتهن هنا
-  ادري بس شسوي اذا حنين نكدر نقنعها غياهب شيقنها الريل تلزمنا تسحلنا بس نلح اكثر وياها
هزت براسها ساكته مأيده كلامي شويه وكالت ..
- درغام
- ها عمه
- تاخذني للكاظم ( عليه السلام )
- من عيوني
- معناها انتظرني اجهز نفسي واجيك
مشت ما ادري وين بقيت واكف بمكاني باوعت للتوأم كاعدات حنين مايله براسها على كتف غياهب وغياهب مايله براسها على راس حنين وساكتات ..

اجت ابالي الحيه زمُرد ماشفتها وصلت للمستشفى وحتى جدي ماعدا عمي عياش واولاده ابو عمي سلطان درت وجهي واشوفها جايه من بعيد ..

باوعت لغياهب مامنتبها رجعت اباوعلها جايه متأنقه باحسن للبس وتمشي بشموخ وصلت يمي باوعتلي بطرف عينها حتى سلام ماسلمت ومشت متوجهه للبنات كتفيت ايديه ورجعت جسمي على الحايط اشاهد المسرحيه الي راح تصير بين غياهب والحيه ..




للحكايا بقايا ...»

  تصفح

تسجيل الدخول سجّل اشتراكك


أنت تقرأ

وتيرة الاعرج
غموض / الإثارة
حقيقية: بقلمي حوراء السعيدي غـريب ومُـرعب شيطان عندما يبتسم يكون خلف ابتسامته الغريبه خفايا لايُعلم بها غيره يمتلك القسوه ليس قابل للاصلاح عقله يحثهُ على الاستمرار في مسيرة الضلام اعتادت روحه على الظلام منذ الطفوله صراعه مابين ماضيه وحاضره ح...

#اكشن #الاعرج #انتقام #غياهب #لغز #وتيرة


الوتيرة العاشرة
91.9K 5.4K 1.5K

بواسطة hawraalsaidi
وتيرة_ الاعرج
بقلم : حوراء السعيدي
5
حبايبي لاتنسون التصويت من النجمه+التعليق
بين الفقرات + ومتابعة لحسابي .." 🍂hawraalsaidi


2
-غياهب: مغمضه عيوني سرحانه بافكاري فزيت منها على صوت هل الصوت مو غريب عليه فتحت عيوني بتعب شفتها زمُرد واكفه كدامنا بقيت كاعدة على كعدتي باوعتلها من فوك لجوه لبسها عبالك عندنه حفله ولاكأنما جايه لمستشفى اروح ناس بيها جاي تصارع الموت ..
218
- ما اتوقع عندنه حفله وجايه على اخر حبايه
6
-زمرد: شبيج غياهب اجيت اسئل على ابوج
7
-غياهب: واو عاد شلون اشوفج متأثره عليه
4
وجها انكلب ..
- كاافي لاتنسين انه منو
10
- لا ماناسيه انتِ زمُرد اعررفج اعررفج لاتخافين اكو احد ينسى احد مثلج
- قليلة تربية
5
- تسوووواج اي بالله ماتستحين على نفسج ماتخجلين عجيب!!
1
دارت وجها مني صارت كبال حنين الي واكفه تباوعلنه نظراتها كلها حزن مدت ايدها رادت تلزمها رجعت لوره مبتعده عنها وجه زمُرد صار مايكصه السيف بوزت بوجها اهز براسي ..
12
-غياهب: محد يريدج لا تحاولين ولا تعبين نفسج لان بكل مره وبكل بساطه وسهوله تتفشلين
3
-زمُرد: يعني ؟
7
- اممم يعني الي مالمتنا بصغرنا ولا حافظت علينه من المؤكد ماراح تنجح هسه ماراح تكدر تلمنه من كبرنا ف ياا زمُرد اتفضلي منين ماجيتي وارجع واكلج لاتحاولين وتعبين نفسج ويانه
3
باثناء ماجاي احجي وياها ودرغام واكف على جهه يباوعلنه اجه الدكتور يركض دخل لغرفة بابا هنا صرنا نلطم ونرجف من الخوف تخبلنه لزمنه خالي الي جان هستوه جاي ودرغام مستحيل اكدر اتقبل فكرة اخسر ابويه ..
2
مر وكت واحنه ارواحنا راحت اجت خالتي وجدان بس ماخلاها خالي تدخل لان وضعها هم تعبان زمُرد كاعدة على جهه اعترف جانت ملامحها قلقه مثلنه بس شنو الفائده هل شي ماراح يشفع لأخطائها ..
3
طلع الدكتور ووكف كبالنه حطيت ايدي على گلبي الي راح يطلع من مكانه گال الدكتور ..
-الدكتور: معجزه والله
7
بلعت ريكي ونفس وضعي مشاعر خوف توتر لازمه ايد اختي الي حالها مو أقل من حالي رد عليه خالي وهُوَ يسئله ..
-عمران: شصار دكتور الله يخليك احجي گلوبنه راحت صارلنه اسبوع ننتظر
3
-الدكتور: الحمدللله المريض عدا مرحلة الخطر بعد مابدينه نفقد الامل بوضعه
11
من بعد سنين من الكتمان واخفاء كلشي بداخلي اليوم كدرت اكسر هل الشي نزلت دموعي بهدوء مجرد الدكتور انطانه هذه الخبر ما اكدر اوصف احساسي بهل لحضه ..
6
حضنت اختي الي تبجي بصوت مسموع وانه بس دموعي الي تنزل بهدوء احس صوتي احتقن انبلع ماكدر احجي شي دموعي جانت هل المره دموع فرح
الكل فرحان برجوع بابا للحياة لان فعلاً بدينه نفقد الامل بوضعه بوكتها جان وضعه صعب لان طلقتين بصدره صارت عيوني على خالتي اخ ياخالتي سوده عليه كضت عمرها متعلعله شوكت ترتاح ماادري ..
2
كالو جاي يسوله فحوصات روتينيه يتاكدون
من وضعه مرت تقريباً ساعه وطلع الدكتور گال ..
-الدكتور: منو غياهب ؟
1
باوعت للي واكفين گتله ..
-غياهب: نعم دكتور انه
-الدكتور: المريض طلبج بالاسم
3
استغربت من كلامه ليش تحديداً بس انه باوعت لحنين اشرتلي بعيونها بمعنى روحي دخلت لغرفته وگلبي نعصر على منظره شصاير بيه سحبت الكرسي كعدت لزمت ايده والعبره شكت بلعومي ..
-غياهب: ياحلو شتاقينالك هيج تسوي بينه شتاقيت لكلشي تسوي النه كعدة الصبح وملاطفتك ويانه
رفعت ايده بستها وانه اگله ..
اشتاقيت لكلشي تسوي بهل الايد حبيبي جان هادئ ساكت ابتسم بوجهي بتعب حجه بصوت تعبان كلش
-سلطان: أولــريش
12
فراشات صارت بداخلي من سمعته يناديني بهل الاسم سماني بهل للقب من جنت صغيرة لأن بصغري جنت وكحه وما اخاف من احد ولا شي يكدرلي معنى هل الاسم - انثى الذئب -
20
- ها يروحي
فاجئني بطلبه ..
- لازم تروحين للبيت
- بس ليش بابا
- السيارة مالتي تفتحينها ضروري تلكين الدفتر بيها
7
- الدفتر الي ماتقبل احد يتقربله
هز براسه وهُوَ الواضح متألم بس ما ادري شنو الي جابره يحجي هسه رجع يحجي بشبه عصبيه كأنما اتذكر شي ..
- اي هوه تاخذينه وتحتفظين بيه يمج ضروري تقرين بيه كلشي كاتبة انه انه انصحك عليه من سنين خلوني اخسررر وجددان بسبب جذبه جنت مفكرها صحيحه

5
اسمعله وصافنه بكلامه وشلون يحجي ..
-غياهب: على كيفك بابا هستوك طالع من النص الموت بس مافهمت جذبة شنو ؟
بقى ساكت مغمض عيونه عيوني تراقبه منتظره جوابه بس ماجنت اعرف الجواب هيج راح يصعقني ..
-سلطان: وجدان
2
- شبيها خالتي
- وجدان مو بنت سلطان هاي الجذبه الحقيقية وجدان نتيجة اغتصاب
119
عكدت حواجبي من كلامه اعترف عقلي هل فترة انفر بكل حدث صار ويانه احاول استوعب كلامه رجف صوتي وانه اسئله ..
2
- اغتصاب ؟
- اي
- ابوس ايدك فهمني انسطرت شنو موبنته شنو جذبه شنوو انجبرت وضحكو عليك شنووو اغتصاب ؟؟؟
رغم وضعه التعبان وصعوبة نطقه للكلام استمر يصدمني بالافعال الشنيعه الي صارت بالماضي
من قبل سنين وافعالهم القذره ..
3
-سلطان: بالبداية انضحك عليه من هددوني بوجدان من كالولي هيه ماتصير بنت عمي سالم
2
بدأ يحجي كلشي وانه اسمعله ومركزه ويا كل حرف
نعود قليلاً الى الماضي ..
ملاحظة : بالبارتات الي نحذفو ماجنت هاي المحاوره فطلبتها منهم بالجديد .
2
-سلطان: كتلكم زمُرد ما اتزوجها ليش ماتفهمون يابشر
-عياش: وانه ماريد وجدان تاخذ زمُرد يعني تاخذها
2
- غير افتهم ليش بشنوو زمُرد احسن منها
- يعني اله اكلك وجدان مو بنت سالم يالاغم
14
- شنو ؟ شتحجي بويه
- مثل ماكتلك وهسه عمك جاي ويحجيلك كلشي
3
بقيت ساكت الصمت محتلني الافكار بدت تحيط بيه شنو مو بنت سالم جنت صغير بس افتهم من عمتي هيله جابت وجدان بايدها دخل عمي سالم ومرته باوعتلهم ادعي ربي الكلام الي سمعته جذب وجدان تدمر اذا عرفت هيج حقيقيه ادري بيها فوك هضمتها منهم راد يزيد جرحها منهم ..
دخلو كعدو وكفت احجي وياهم ..
- سلطان: عمي شنو الحجي الي سمعته من ابوي شنو وجدان مو بنتك چا بنت منو
1
ضل يباوع لـ عمتي هيله ورجع باوعلي ..
-سالم: كلام ابوك صدك
2
- ومن كل عقلكم اسحب نفسي من وجدان واصدك هذه الجذب مالتكم الي جاي تسفطون بيه
1
- احترم نفسك سلطان جاي تحجي ويا عمك
3
- والله انتم ماخليتو واحد يحترم ولا واحد يقدر استحو على نفسكم بزركم هذه تنكرونه هيج
التفتت الـ عمتي ..
-سلطان: وانتِ عمه شو ساكته طابكه وياهم هم تبريتي من بنتج هذه كله علمود تلزكون زمُرد بيه
1
-سالم: احنه راح نحجيلك كلشي
- شو احجو اسمعكم خلي اشوف جذبكم لأي درجه واصل
بدأ يحجي عمي سالم ..
- هيله جانت حامل ولمن خذيناها للمستشفى الي بطنها بالولاده ماتت وجانت بنفس الوكت مره تطلك وياها جابت بنيه هم
10
- خوش سيناريو احييكم عمي
حجت عمتي هيله بهل لحضه شكثر كرهتهم وكرهت كلشي حجو بس ماجنت اتوقع راح يصدموني بشي أكبر من الي فكرت بيه ..
-هيله: المره رجلها مايريد البنات وهيه عدها اربعه وجدان جانت الخامسه رجلها من درى مارادها ولو مااحنا نشتريها منهم ذبوها بالشارع
14
-سلطان: اثباتكم ؟ دليلكم ؟ عقد الشراء ؟ ذني وين
2
خابت ضنوني من شفت عمي طلع الاوراق من جيبه وسلمهن الي فتحتهن جان كلشي رسمي بيهن ولا من الممكن تكدر تشك مزورات او لاعبين بيهن ..
11
احد الاوراق جانت عقد الشراء الي بينهم وكلام شخص يثبت هُوَ بايعها وبيها توقيع حالهم حال الي يشترون سلعه معروضه للبيع ..
بدو يهددوني بيها اذا ماتزوج زمُرد الكلام الي حجو والاوراق كلها تصير يم وجدان ويطردوها حتى من البيت ادري جابر وعمران مستحيل يعوفونهم بس من تكتشف هيج حقيقية وجدان راح تدمر ..
37
العودة الى الحاضر ..
اسمع لكلامه وبدلي الزم اجدادي اطلع ضيم هل السنين بيهم شلون كدرو يسون كل هذه نزلت دموعي اكثر على حالة ابوي ..
-غياهب: وهنا لزموك من الايد الي توجعك مو
3
لمعت عيونه بدموعه رجع يكمل بنفس نبرة صوته الي تعبانه طلبت منه مايكمل لان صحته تعبانه رفض هل الشي واصر يكمل ..
-سلطان: كالو يطردوها بحساب مو بنتهم
8
رديت بتسائل مفجوعه من كمية القذاره ..
- حتى حبوبه هيله اتفقت وياهم بهل الشي ؟
- لا بهل الشي مارضت على حجيهم
1
- لو مخليهم يحجون كلشي الها ولا هاي كسرتها منك لليوم اشوف الحب بعيونها الك بس كسرة كلبها مو هينه انتم دمروتوها بفعلتكم هاي
7
- ماكدرت غياهب وجدان مكسورة من اهلها من الصغر من الطفوله متعذبه منهم شلون تريدين اواجها بهيج حقيقه مره
- اسئلك سؤال واتمنى تنطيني جواب صريح
- اسئلي بابا
- كلنه ندري اذا شخص ماهاوي شخص ثاني ومايحبه مايكدر يتقربله جنسياً شلون انتَ كدرت تتقرب لزمُرد
19
اعذرني على سؤالي بس من حقنه نفهم كلشي صار بالماضي ونعرف الحق من الباطل صح انتَ الزمت من الايد الي توجع واستخدمو احد نقاط ضعفك ضدك وخلوك تضحي بحبك وسعادتك ..
وانتَ جازفت بهيج شي وضحيت علمود ماتكسر بخالتي اكثر مما هيه مكسوره ولو كسرتها منكم بزواجك هاي ماكو شي يوصفها ..

5
-سلطان: رجعو يهددون بعد مارفضت اتقرب الها هل المره هددو اذا مااخذها وتصير مرتي راح يدخلون حتى بشغل وجدان ويلفقون عليها وتنفصل من وظيفتها وانتِ تدرين نفوذهم واسمهم وين واصلين وجدان تعذبت يلا حصلت هل الوظيفه
5
تحملت الكتل والسب من سالم واخوها وشكد حاول يخليها تترك دراستها وحلمها بس هيه بقت متمسكه بهل الشي تحملت كل العذاب علمود تحقق حلمها
4
انجبرت اخذ زمُرد لان عندنه البنيه اذا ماتنوخذ بليلة عرسها يعني عايبه وتصير علج بحلوك الوادم وتنفضح كدامهم صح الي سوو ويايه غلط بغلط بس زمُرد بنت عمي وتبقى عرضي وشرفي ومحسوبه عليه الحجايه الي تطلع عليها تطلع عليه والبنيه بشرفها تحفظ سمعة اهلها وبشرفها تنزل عكل من الروس ..
12
-غياهب: اسمع لكل كلامه يمكن ابوي غلط وغلطته جبيره وما ادري اذا خالتي بيوم عرفت بكل هذه راح تسامحه اولا بس بنفس الوقت انضحك عليه ورغم كلشي سوو وياه هُوَ حافظ على سمعتهم ومانزل روسهم كدام الناس ..
1
هذه الحجي مو دفاعاً عنه يبقى غلطان بس جاي انطيكم وجهة نضري الاب سلطان انظلم ضحى بهوايه شغلات علمود يحافظ على شغلات من الدمار حالياً الي جاي تقرون بروايتنا حللو كلشي بتفكيركم راح تلاحظون سلطان اكثر شخص انظلم من الي بالماضي من بعد وجدان ..
15
طلعت من سلسلة افكاري التفتت اله ..
- افتخر بيك فقط بهذه تصرفك
ابتسم بخفه وملامح وجهه تحجي القهر والحزن الي بداخله ..
-سلطان: يمكن انتِ تفتخرين غيرج راح انزل من عينه لأن راح يكلك وين اكو رجال ينجبر
11
- مو مهم بابا مرات الانسان ينجبر يسوي اشياء من غير ارادته واذا رجال ليش الرجال مو بشر ماعنده نقاط ضعف ..
2
بس الي مافهمته لحد الان شلون عرفت وجدان نتيجة اغتصاب لحد الان الي فهمته بس موضوع اجبارك انتَ ذكرت الحقيقيه طلعت جذبه ..
9
- انطيني ماي بالاول
رحت صبيتله بكلاص وقدمته اله شربه ورجع يكمل بس احسه جاي يتعب اكثر ..
- بابا خلينه نكمل بعدين شوف شلون تعبت وحجيت اهوايه
- لا اكملج كلشي
هزيت براسي لان ادري بيه ماراح يقتنع عنيد بشكل ابتسمت بخفه اطباعي تصرفاتي نسخته الثانية ..
-سلطان: طول هل السنين جنت دائما ادور على شي يوصلني للمره ام وجدان
9
-غياهب: شلون يعني هيه غير باعتها
- كالو جانت المره امها كل فترة تجي تشوفها من جانت صغيرة بس من كبرت بعد ماسمحولها لان هيه جانت علساس ماراضيه ببيعتها بس ابوها الي باعها دورت بالعمارة اهواي لان تدرين احنه جنه ساكنين هناك وولدنا هناك بعدين اجينه لبغداد اصلنه وفصلنه عمارچيين بس مالكيت اي شي يوصلني الهم
14
بذاك اليوم رحت لوجدان وكلي امل تذكر شي قررت اسئلها بلكي تذكر لشي يوصلني الهم بس من سئلتها خابت امالي ماتذكر اي شي ..
2
طلعت منها تعبت بذاك اليوم غضبي بعد ما اكدر اسيطر عليه سنين وانه احارب كلشي مكتوم بداخلي موبس وجدان الي نكسرت انه هم انكسرت عشت بعذاب كل هل السنين الشي الوحيد الي مصبرني انتِ واختج ..
صعدت سيارتي وطلعت لبيت عمي سالم طول الطريق متحلفله واطلع ضيمي بيه ما ادري شسوي بس حالتي جانت تعبانه لدرجه بذاك اليوم تمنيت الموت واخلص من كلشي بس بلحضه الي افكر بيها هيج تجن انتن ابالي وصلت لبيتهم
جان الباب مفتوح دخلت امشي بس اتوقفت من سمعت كلامه هُوَ وابوي وعمتي هيله هنا الصدمه الي صدمتني كلشي جذبه ضحكو عليه وحتى ابوي وياهم ..
6
-غياهب: بلعت ريكي .. شصار بذاك اليوم
- سالم الخسيس متزوج وحده عمرها 16 سنه بزمانه بنت واحد من الفلاحين الي جانو يشتغلون عنده بكاعه ماجانت تريده بس النذل اتزوجها واخذها غصب اغتصبها وانتِ ادرسيها بعقلج طفله ويا واحد بكد ابوها ما ادري أكبر تصير عنده شيصير بحالها البنيه صارت حامل بس بالولادة هيه وهيله بنفس اليوم صارت عندهن الولادة ام وجدان ماتت باثناء الولادة صارت عندها مضاعفات
60
اباوعله وجهه احتقن رجع يكمل وانه احاول استوعب كلشي جاي يحجي شنو هل الافعال البشعه والقذره الي واصللها البشر ..
- يعني خاله وجدان بنت جدي سالم بس مو بنت حبوبه هيله
7
- اي هاي الجذبه الي استخدموها ضدي
3
- من سمعت كل هذه من خلال كلامهم همه الثلاثه جانو يحجون بالماضي وهيله تعاركت ويا سالم وصارت تحجي عن الماضي دخلت عليهم وجوهم كامت تنطي الوان وهمه يشوفوني كدامهم تعاركت وياهم وصلت بيه المواصيل حتى سبيتهم طلعت منهم بكثر مامغثوث بس جانب مني فرحان
كشفت الحقيقيه يمكن راح اكدر ارجع وجدان رجعت للبيت علمود احجيلجن كلشي لان دائما تسئلن وماتحصلن الجواب النيه جانت افضح كلشي بس من وصلت للبيت صار الي صار ..
3
-غياهب: سالم اي سالم هُوَ الي حاول يقتلك
-سلطان: شاك بالموضوع لان انا مو ضابط استخبارات واكول عندي اعداء متكاثرين شغلي هادئ ومابيه ذيج الخطورة

- نسينا نقطه بابا
- شنو
- شلون كدرت تطلك زمُرد
1
- محذرها بحال اتاذت شعره وحده منجن هنا راح تشوف وجهي الثاني
1
- بس ...
ردت اسئله اكثر علمود يتوضح كلشي بس قاطع حديثنه دخول حنين عيونها مورمه من البجي ابتعدت عنه وكفت على جهه وهيه كعدت تبجي وتحضن بيه وتحجيله شلون خافت عليه ..
مرت اسبوعين وبهل الأسبوعين ابويه طلع من المستشفى وهنا صرنا مانلحك على شئخ ناس تروح وتجي ونيروز تجي تساعدنا خطيه بس وضعها ماعجبني بس مو بوضع اسئل بسبب الخطار الي يجي اصدقائه بالدوام والناس الي تعرفه حتى اتفاجئنا من كمية الناس الي صارت تجي ..
اجلنا كلشي بخصوص الي صار بين مايتعافى لان طلقتين رب العالمين رحم بيه ورحم بحالنا من رجعه وتفاجئت بدخول خاله وجدان علينه هيه تجي بس جياتها كلش قليلة جنت واكفه اسوي شوربه البابا رحتلها حنين للوكيه تتلوك ابتسمت ..
2
-وجدان: شلونجن خالاتي
-حنين: ااخخخ ياخاله اخخخ مشتاقتلج مووت
1
ضحكت خالتي وحضنتها وذيج مكيفه فرحانه بالوضع رفعت حاجبي وحجيت شو احس غرت ...
2
-غياهب: واحنه محد يحضنه والله عمي خوش منسيين محد بحالنه
اجتني وهيه مبتسمه كرصت خدي بخفه ..
-وجدان: منو يتجرأ ينسه المحامية غياهب سلطان
- اممم كلت يعني احتمال اكو هيج شي وناسيتني
- ههههههههه شجاي تطبخين
- شوربه لبابا كال مشتهيها
- لا تكثرين ملح مايحبها مالحه
17
كتمت ضحكتي ..
- امممممم
- شبيج ماما
- سلامتج وجدانو بس تعرفينه اكثر منه شيحب وشيكره
بسرعه دارت وجهه الي نكلب لونه من الخجل
ما ادري انحرجت ..
- كملي شغلج ومالج علاقة بهل السوالف
- هسه شحجينه عيني ازعجناج
هنا دخلت بالخط حنين وبعرتها ..
-حنين: الله كون بابا وخاله وجدان يتزوجون
33
توسعت عيون خالتي وانه غصيت بضحك على شكل خالتي شلون صار ماشوفها غير سحبت الچفچير وراحت لحنين صارت تضرب بيها خلتها تطفر من المطبخ كله ..
11
صبيت الاكل وطلعنه من المطبخ انه وياها دخلنه اثنينه على بابا بس ماسلمت لان يمكن أول مااجت مرت عليه شافته حطيت الاكل كدامه كعدنه نسولف وهُوَ عين بالاكل وعين على خالتي هسه انه شسوي كاعدة بنصهم كتلهم عندي شغل وطلعت ..
4
طلعت من الغرفه صار بوجهي درغام ابتسمت شكد اعزه لهل بشر ..
-غياهب: هـلا بحزام ظهري
نرسمت ابتسامه على وجهه ..
-درغام: هـلا بنسيبتي بعد گلبي
14
- والله كون بابا يسمعك بعد مايخليك تخطي خطوة لباب البيت ف استر على روحك
- علساس هُوَ غشيم اكص ايدي اذا ماطلع يدري عاشك بنته
23
دخلنه للمطبخ اثنينه نسولف صبيتله ماي اجه ابالي اسئله شلون يميز بينا لان لبعض يخربط بينهم انه وحنين ..
- اكلك درغام انتَ شلون تميز بينه مرات يخربطون بينه بس بالاسلوب ننعرف لان يختلف
- اسرار دوله لا تدخلين
15
- لا والله
- اش لج صدك وينها چفوصي ميت على شوفتها ومحمد صارلي يومين ماشايفها احس مضيع روحي كله صوج خطار ابوج
9
- على كيفك عيني العاشق الولهان تلكاها بالحديقة يم كاتي تلعب وياها او توكلها
4
عقج وجهه ..
- چـا شنو كاتي صخمان احسن مني
- هسه منو كال احسن
- شوفي صح انه اچلح املح بس سماري يشك شك ومحمد وملامحي تموت
17
- حماد نفسه شيرادله خويه
3
ضحك بقوة وهُوَ يكول ..
- رفسه رفسه بعد اخوج
6
راح الحديقة وانه صعدت لغرفتي ميته تعب تمددت لازمه ظهري التعب لايطاق صارلنا كم يوم كله عزايم وطبخ عبالك عرس مو مريض غمضت عيوني واحتل افكاري هذه الي اسمه ارسلان مامرتاحتله شكله كلامه حركاته غريبه نفضت راسي هسه انه شعليه بيه انه وين وهُوَ وين ..
10
صارت عيني على المجر كعدت فتحته طلعت منه صندوق محتفظه بيه من سنين فتحته وطلعت القراصه الموجودة بداخله لزمتها بيدي جنت صف اول ابتدائي غمضت عيوني ورجعت بيه ذاكرتي ..
2
جان بابا ياخذنه ويرجعنه مايأمن باحد وكفنه منتظرينه طلعنه من دوامنه لازمين ايد بايد انه واختي عيوني نضراتها تتنقل بين الطلاب الي جاي تطلع والي جاي تصعد بالسيارات يرجعون لبيوتهم اكو شجرة جانت واكفه عليها حمامه عفت حنين ورحت اركض عليها وكفت جواها مالوحها صرت اكمز بس اريد اوصللها ومستمرة اكمز ماحس غير نشاليت شهكت باوعت جان ولد مو چبير كلش ..
19
برطمت شفايفي بوجهه ..
- نزلني
- مو انتي تريدين توصلين للحمامه
- بابا مايقبل نحجي ويا غريب
2
- ماغريب غير الشيطان
ضحكت ببرائه حطيت ايديه على حلكي اضحك ..
- يعني انتَ شيطان
8
- يمكن
1
نزلني ركضت سريع بس لزمني من معصم ايدي مد ايده الجيبه طلع منها قراصه تجي ناعمه مد ايده شال شعر كذلتي والشعر الزايد كلما يحطها توكع ماتثبت حجه بانزعاج وهُوَ يحاول يثبتها ..
- هاي شبيها ماتصير يحضي الفكر ماتثبت
حطها بايدي وهُوَ يگلي ..
- خليها عندج أولـريش
44
- انتَ شمعرفك يسموني هل الاسم
جر خدي بخفه وباس اصابيعه بدون مايرد على سؤالي دار وجهه ومشى ضلت عيوني معلكه وراه وهل الغريب بعد ماشفته فزيت ضميتها من سمعت صوت حنين تعيط ..

22
**
-حنين: جنت واكفه اوكل بكاتي مندمجه وياها ماحس غير واحد عاط بصوت وكع الصحن مني لزمت گلبي نبضي صار براسي من الخرعه درت وجهي شفته درغام
-درغام: رجعتها الج
1
- يمه گلبي فلك صابك
- صابج وياي على الواهس
1
شال الصونده وصار يرش عليه بالماي خلاني اكمز اصيح بيه وهُوَ يضحك ..
- ووولك درررغام كااافييي بللتني
- ارجعلج سوالفج كلهن وحده وحده
ركضت للوح الي بيه طين خذت بايدي وشمرته عليه عود العب وياه جان لابس قميص ابيض القميص صار سيانه رجع يبلل بيه اكثر ويكفش بشعري ضجت دمعت عيوني ركضت للبيت يصيح ورايه مارديت صعدت لغياهب لغرفتها هو شتسويلي بس مادري شبيه رحت الها سمعت صوته يصيحلي عطت بصوت ..
-حنين: لووو تموت ما اجي ولي من بيتنا
3
دخلت لغياهب بقت صافنه بيه ملابسي تنكط ماي وكلي طين لان هم ذب عليه طيني الحقير نزلت دموعي ..
-غياهب: شنو هذه حالج ولج
صرت احجي بصوت عالي وابجي ..
2
- درغام بللني بالصونده وكفش شعري شوفي شسوه بيه
- ادري زعاطيط شبيكم
- هُوَ الزعطوط والله
- وبلا ليش سوه هيج
طكيتها بضحكه وانه اتذكر شسويت بقميصه ..
1
-غياهب: شبيج ولج تخبلتي بعدين هذه حالج مامعقوله هيج بدون سبب
- ماسويت شي بالبداية هُوَ كمزني وصار يرش ماي عليه رجعلي سوالفي القبل جنت اسويهن بعدين اوي شوسيتله هُوَ بس ذبيت عليه طين وقميصه انكلب لونه وعلساس نلعب
- من اكول زعاطيط تضوجين
رحت حضنتها بوسخي مال الطين ..
- راح تدمريني طين
- الي يسمعج يكول ماعندنه ماي
- مابيه حيل اسبح بعدين دمشي اسبحي وصيري نظيفه راح توسخين البيت منو بيه حيل ينظف
- رايحه رايحه احبج يا احلا اخت بالدنيا
- هههههههه حتى انه احبج صغيرونتي
20
طلعت من غرفتها وشفته واكفلي على الدرج كتمت ضحكتي شلون شكله صاير الطين واصل حتى لشعره عطت بيه
-حنين: شتسووووويييي هناااا
-درغام: تعاي نتصالح
4
- لووو تموت
- يعني تقبلين اموت واحنه مامتراضين
1
- انتَ تحرشت بيه
- ديلا شمسويلج هسه هيه مايه شكد وسخه چا ماتحبين الماي

- احتررم نفسك شنووووو ووسخه
- بعد بعد صيحي اكثر خلي حتى المايدري يدري
- هسه اشكيك البابا
- اوي وليش تشكيني للبابا شكد جبانه ماتاخذين حقج
- موو جبانه
- جبانه
- ووووالله لااااا
- اي
- لا
- اكررهك
- حتى انه
- ولي من بيتنا شبيك كاعد عندنه ماعندكم بيت

- اي كاعدين بخيمه سوده عليه

- شكد جذاب
- نتصالح لولا راح اسحلج
- اكلك انتَ جاي تصالحني لو تزيد زعلي
- اصالحج
-حنين: واضح
-درغام: اخخ حنين اخخ
- يا شبيك
- راح اموت
- يلا يالله علمود ناكل بفاتحتك والبس احمر شرط

عض شفته خازرني ..
- اصبريلي سهله

ماحس غير نزع حذائه طكيتها بركضه لغرفتي ويا دخلتي انكطف الحذاء وصار بالباب جان اجه بيه ميته ضحك ...



**
-غرام: جعت سويتلي شي كعدت اكل وحدي كاعدة سمعت صوت الباب اكيد هذه ماخاف مثل قبل تعودت بقيت كاعدة بمكاني دخل يفر بمفتاح على اصابعه باوعتله وكلبت عيوني

-كُميل: لا تباوعين هيج لا افكس عيونج

- لعد شلون تريد نباوع لحضرة جنابك الموقره
- مثلاً باوعيلي بحب برومانسيه خالي

- وجهك مايساعد

- علساس وجهج الي يساعد وجهج بالطول
- تغار من جمالي حقك مالومك
- خلف الله على عيونج وباقيج اذبج بالزبل

فتحت حلكي على كلامه عفت الاكل ضايجه ..
- احترم نفسك
- محترمها وحصان الحمزه

- وين محترمها وانتَ تحجي عليه هيج شنو شايفني كدامك وتكلي اذبج بالزبل

- غرام
- هاا
- تتزوجيني

توسعت عيوني من صدمتي بكلامه ..
- شنوو تتزوجني انه ؟

- لا خيالج .. خالي ششوفين اكو احد غيرج هنا

تقربت اله اول مره اتجرأ اصير قريبه هيج هلكد من اجيت لليوم من ننجمع بمكان هو بجهه وانه بجهه وكفت كدامه شعور يأذي من تشوف الناس الغربه ترحم بوضعك واهلك الي انتَ من دمهم ولحمهم همه سبب حالتك الي اليوم واصللها رفعت اصبعي الي يرجف بوجهه ..

-غرام: ديربالك تستعطفني

-كُميل: مامستعطفج
ابتسمت ودموعي نزلن رغم حاربت ماينزلن بس الكسرة والموقف الي انه بيه مو شي قليل وهين مسحت دموعي ..
- تريد تقنعني حباً بيه تريد تخليني على ذمتك تره انه مغتصبه تفتهم شنو مغتصبه منو يقبل بوحده مثلي

ماجاوبني بقى ساكت اعتلت صوت شهكاتي دفعته بايدي لأول مره يطلع مني هيج تصرف حجيت بهستيريا ..
- ماتحجيييي ليشششش ساكتتتتت
لزمني من ايديه لازمهن بايديه أول مره يلمسني وهيج نكون بهل القرب ..
- مامستعطفج والله وداعت امي
- لعددد شنووو هذه تصرفك
- انتِ ليش هيج
- ش شنو
- ليش تقللين من نفسج مثلاً انتِ الي خليتي ذاك النذل يعتدي عليج شي صار غصب عنج كافي تستحقرين بنفسج وتقللين منها انتَ اشرف من كل شخص يحجي عنج بسوء خالي كافي تضلمين بنفسج اكثر حرام عليج

رديت عليه بنبرة مهضومه ..
- مو كلها نفس تفكيرك

عفته ودخلت قفلت الباب عليه كعدت وره الباب ابجي بكل حركة گلب موجوعه ومهضومه مكسورة من كلشي محد راح يحس بوجعي بس الي مثل حالتي وعايش مثل شعوري ووجعي اندك الباب اجاني صوته ..

- افتحي الباب عيناي

- ما اريد
- ادري شهل الطبع الخايس الي بيج بس تقفلين بالبيبان

جاوبته وصوتي مخنوك من البجي ..
- عفيه عوفني انه ما اريد اتزوجك ولا اتزوج احد

راح صوته كل ضني راح بس رجع حجه بصوت ونبرة عكس الي قبل شويه يحجي بيها ..
- مو مايصير نبقى هيج
مسحت دموعي وانه مافاهمه جملته هاي شيقصد بيها فتحت الباب و...

للحكايا بقايا ...

  تصفح

تسجيل الدخول سجّل اشتراكك


أنت تقرأ

وتيرة الاعرج
غموض / الإثارة
حقيقية: بقلمي حوراء السعيدي غـريب ومُـرعب شيطان عندما يبتسم يكون خلف ابتسامته الغريبه خفايا لايُعلم بها غيره يمتلك القسوه ليس قابل للاصلاح عقله يحثهُ على الاستمرار في مسيرة الضلام اعتادت روحه على الظلام منذ الطفوله صراعه مابين ماضيه وحاضره ح...

#اكشن #الاعرج #انتقام #غياهب #لغز #وتيرة


الوتيرة الحادي عشر
82.2K 5.2K 1.4K

بواسطة hawraalsaidi
وتيرة_ الاعرج
بقلم : حوراء السعيدي
2
حبايبي لاتنسون التصويت من النجمه+التعليق
بين الفقرات + ومتابعة لحسابي .." 🍂hawraalsaidi

4
فتحت عيوني اون من الالم مصخن جسمي نار شفت مليكه كاعدة يم راسي تبجي  ..
104
-عمر: ليش البجي حبوبه
1
-مليكه: ولك البارحه مانمت من حرارتك سوده عليه
104
عدلت كعدتي بس جسمي مكسر سحبت ايدها بستها ..
- هسه احسن لاتخافين
- عمير لاتجذب عليه
137
- والله احسن .. وين ارسلان
1
- شمدريني بهل الدايح وين شايفته انه مكروده
3
انفتح الباب جان ارسلان دخل كعد بدون حتى مايسلم استلمته مليكه ..
-مليكه: وتالي وياك انتَ
-الاعرج: شبيج حبي شمسوي
24
- مسوي روحك فقير وانتَ الشيطان يتعلم منك
9
- حبي موزين عليج العصبيه
21
يحجي ببرود ومامهتم ضلت تحجي عليه وهُوَ اما يسكت اما يكلها حبي موزين عليج ويخبلها
-مليكه: انعل سلفه سلفاك جايبني حبي ماحبي انه وين احجي ولك توووب تووب
19
-الاعرج: اوف اوف يامليكة قلبي من حبي الج غير هسه انتِ لاكيتلج واحد يتغزل بيج
رجعت تحجي عليه كام وكف يم الباب يريد يطلع دزلها بوسه بالهوى وطلع هزيت بايدي بيأس منه شويه ودخل خالي كُميل بس شكله مكلوب كلاب خصوصاً من گال ..
-كُميل: اول مره اشوف عار يتمرض
8
عرفت ارسلان حاجيله كلشي بس ماردت افتح الموضوع كدام مليكه ..
-عمر: ليش مو بشر ما اتمرض
سكت مارد طلعت مليكه كعد بصفي ..
- مو بشر حيوانات انتم
1
- شبيك خالي
ماحسيت غير بالجكارة طابعه بايدي سحبتها
من جوه ايده ..
4
- شنو السالفه خالي چا هُوَ هيج
- حرك الجكارة اذاك وحسيت بالوجع چا شلون كدرت تحرك روح بنيه
27
الصمت جان ردي الاكثر الاسئله لان ماعندي
اي جواب رجع گال ..
- تحبها ؟
شجاوب اكله اي اكله لا وانه مادري شنو مشاعري بالضبط بس الي اعرفه انه ماكسرتها بس كسرت نفسي وياها ..
6
- لا ما احبها
3
- جبان
- خااالييي
- اذا ادري متقربلها بعد يشهد ربي ياعمرررر انه الي راح اوكف بوجهك واكسر ظهرك
13
- ماتقرب الها بعد لان خلص شغلي وياها
1
تفل عليه وطلع بقيت كاعد وحدي لزمت جهازي دخلت على رقمها سديته بأي وجه اخابر بعد الي سويتي ماينغفر انه استغليتها ونيروز وادري بيها شكد ماهيه انسانه نظيفه وگلبها طيب بس من تنجرح من شخص مستحيل ترجعه لحياتها حتى لو بيوم سامحته بس اتمنى اذا بيوم عرفت السبب الي انجبرت عليه تكدر تسامحني ..

22
**
طلعت من الغرفه بعد ماصار عندي فضول اعرف مقصد كلامه وكفت وصوتي يرجف ..
1
-غرام: شنو تقصد بكلامك
-كُميل: هااا
- شبيك وين صافن
دار وجهه وتحمحم وهُوَ يگلي ..
- احم .. خالي ادخلي جوه للغرفة وباوعي لنفسج بالمرايه
5
- مافهمت ليش
- هسه روحي
اباوعله حتى مايباوعلي شبيه هذه دخلت للغرفة وكفت كدام المرايه اباوع بخلقتي شكو هُوَ بس وجهي مزهمر احمر من البجي ردت ادور ارجع اله وفتحت عيوني على منظري الحجاب مرفوع وطالع من مابين رقبتي وصدري صخام صخمج غرام شكد فشله وين صخامج عبايتج شبيج شبيج ..
18
لبست عبايتي وطلعت شفته بعده واكف على نفس الوكفه ترردت احجي شكد فشل هسه شيكول عليه عضيت شفتي بقهر واحراج ..
- ءء شكراً
5
دار وجهه ..
- على شنو خالي
- لان طلعت شريف
78
مجرد حجيت هيج ماطول بصفنته ثواني وهُوَ انفجر بالضحك من كثر ماضحك بقى يكح ..
3
- شكوو تضحك فوك ماتشكرتك
- هههههههههههاي لا لا مو هيج
4
- لعد
- لان كلتي طلعت شريف ليش خالي قبل شنو جنتي ماخذه فكرة عني
1
- ما ادري
- تعاي تعاي خلي نسولف
رحت وراه امشي كعدنه بالصاله وبدأ يسولف بكل جديه شفت شخصية تختلف عن شخصيته الكوميديه ..
-كُميل: لا تفهمين كلامي غلط خلي اكمل والج المساحة تحجين براحتج
1
هزيت براسي ..
- انتِ بنيه شابه وحليوة وبداية عمرج انه مامحلل عليج وكل كعدتنا سوه غلط بغلط بس انه ماكدر اعوفج وحدج كلشي يصير لا تفكرين مستعطفج لا بس انه مارايد الحرام لا الج ولا الي لاتغرج شخصية كُميل الي شفتيها تراني اعرف بالحلال والحرام
الزواج الحل الوحيد النه
12
درت وجهي مهضومه بس مو من كلامه بالعكس كلامه كله صح بس مهضومه من وضعيتي ..
-غرام: بس انه ما اريد اتزوج
- غرررررام
كمزت من مكاني على صوته ..

- ء هاا
رد بهدوء عكس من صاح بأسمي ..
- تره انه خوش رجال وداعت عيونج الي يلمعن معروف باصلي وفصلي وهااا كرريم مو بخيل وانتِ شفتي يوميا اجيبلج اكل جاهز على حسابي من فلوسي
48
- تحسسني جايه اخطبك
19
ماشوفه غير حط ايديه الاثنين على وجهه وصار يسوي حركات بطني انشكت من الضحك عليه
- اوي اوي اخجل جايين يخطبوني
60
حجيت وانه فاطسه ضحك اول مره اضحك هيج
من زمان ماضاحكه من كل گلبي ..
1
- كاافي عليك الله ههههههههه
- هاي شنو هاي غير جايه تخطبيني شبيج ام عيون الي يلمعن
3
- ليش تسميني هيج
- شنو
- تسميني ام عيون الي يلمعن
وكف يعدل بملابسه ويمسح بايده على لحيته ..
- والله ياخالي عيونج بيهن لمعة خاصه
12
خجلت من كلامه اكتفيت بابتسامة رجع گال ..
- راح انطيج وقت تفكرين بيه براحتج بس مو اهواي
طلع من الشقه بقيت وحدي لميت رجليه لصدري حاضنه نفسي .. ليش مايفهم ما اريد اتزوج هُوَ مامجبور بيه اجت امي على بالي ياترى شنو حالتها هسه اختي شنو وضعها مشتاقتلهم وگلبي ميت عليهم مر الوكت هيج بس بجي ونوح واشتياق الاهلي والايامي قبل ..
4
وكُميل مارجع للبيت وانه النوم طار من عيني بقيت كاعدة صارت الساعة بـ 4:30 الفجر وانفتح الباب دخل بطوله شافني عكد حاجبه وباوع للساعة ..
-كُميل: كاعدة شو
-غرام:ما اجاني نوم
- وليش ما اجاج النوم
- ما ادري
رجع صفن وانه هل الصفنات مالته ما ارتاحلها ويصفن بوجهي ..
2
- مضيع شي بوجهي
- انتِ ليش تحبين تفتين گلبي
- ليش شمسويتلك
- انطقي هل الجوهرة وريحي گلبي رحمة لجدج محمد
6
- وانه كتلك بقراري وما اتراجع عنه قراري ثابت فكرت وشفتها ماترهم
عصبيته بهل اليوم خلتني اموت من خوفي وانه اشوفه يتقدم باتجاهي وعيونه انملت غضب ..
- لا تخليني احطج تحت الامر الواقع
1
- كلتت ماريد اتزوج ليش ماتفهم
- وانه اكلج تزوجين وتزوجيني انه مو غيري
23
- مو اذا كاعدة ببيتك معناها تتحكم بيه
- مامتحكم لا تخوطين بصف الاستكان
- وكلامك هذه شنو مبرره
- باجر راح نروح لمكان جهزي نفسج
- وين ؟
- من نوصله تعرفين ادخلي نامي هسه
دخلت واسب باليوم الي صرت بيه وبالدنيا نمت وقهري ياكل بروحي ..
للصبح كعدت خلي ابدل همزين من شتغلت شتريتلي بفلوس الشغل كم قطعة ملابس دخلت للحمام سبحت وبدلت طلعت هاي كله ركض بركض اخاف يشوفني عدلت حجابي باثناء ماجاي اعدل بيه اباوع لشكلي شصاير بحاله السواد جوه عيوني وجهي شاحب هه قابل القهر يروح خالي ابلاش حتى ضعفت بقيت كاعدة بمكاني انتظره يصيحلي مرت ساعة ودك الباب عليه طلعت وسئلته وين رايحين ونفس جواب البارحه من نوصل تعرفين ..
13
مشت السيارة تقريباً بالساعتين خفت بداخلي وين ماخذني هذه الى ان وصلنا لبيت انجذبتله من فخامة تصميمه وسيارتين واكفات يم الباب من ذني الراقيات فتح الباب كُميل بالمفاتيح الي بايده ..
1
-غرام: هذه بيت منو وليش انتَ تفتح الباب
1
-كُميل: بيتي الثاني
3
- بيتك شلون يعني
- هسه تفهمين كلشي
دخلنه جوه عيوني تراقب بجمال الحديقة شلون مرتبه ترتيبها عجبني انفتح الباب الثاني جانت مره موجبيرة كلش يعني زينه وجهه بشوش ابتسمت بوجهنا حضنها كُميل ويبوس بيها ..
-مليكه: ولك بسك وخر
-كُميل: اموت على ريحتج يمه فوك ماابوس بيج
13
ضحكت هيه دفعته من كدامها اجت عليه ..
-مليكه: هلا بيج يمه
ابتسمت بوجها بهدوء ..
-غرام: بيج اكثر خاله
- بعد روحي شنو هل الجمال اللهم صلي على محمد التفتت الكُميل الي واكف يباوعلنه بتك عين ..
1
- ولك صلي على النبي انتَ هم وياي
-كُميل: شنزلت علينه زليخه شبيج يمه هُوَ انتَ راح تزركينها بعين تكتلينها
9
- چبح لهل وجه  .. تعاي يمه تعاي وكفتكم على الباب
12
دخلنه جوه صار بوجهنا ولد شاب ماشايفته قبل ..
3
- حياهم الله
11
بقيت ساكته لان ما اعرف شرد من احد يكلي هيج كلام اصير فاهيه كلت بگلبي هسه كول السلام عليكم شتخسر عاد مادري حس مادري شلون گال ..
14
-عمر: السلام عليكم خويه
-غرام: عليكم السلام
كُميل: ها عمير الكلب شلون صرت
شبيه هذه هيج يحجي وياه ابتسم الولد ورد عليه ..
-عمر: احسن خالي
كعدنه واشوف المخازر بينهم شويه واحد يهجم على الثاني انفتح باب احد الغرف وجان نفسه الاعرج طلع  بملامح ماكدرت افسرها بس جانت ملامح حزن مجرد شافنه تغيرت ملامحه ..
1
-الاعرج: هاي شنوو منو عندنه
-كُميل: لازم اخذ اذنك يلا اجي لبيتك
غمز لـ كُميل وهُوَ يگله ..
- لا اذني احتاجها اسمع بيها
12
رجع التفتت الي مبتسم بوجهي ..
- اهلا وسهلا
رديت بتوتر احس بخوف من هل الشخص حتى بطني مغصتني..
3
-غرام: شكراً
15
كعد هادئ قليل يشارك بالحديث اله من احد يسئله فزيت من مراقبتي اله على صوت كُميل ..
-كُميل: غرام خلي اعرفج على هل الجحوشه حشه امي طبعاً

5
شوفي هاي امي مليكه شمعة بيتي وروحي من الدنيا اباوعلها مبتسمه والله شكلها محبوب وهُوَ جان يحجي وعيونه عليها رجع باوع للولد وهز بايده ..وهذوله ولد اختي هذه عمر ولا يعرف بملامحه البريئه وهذه ارسلان تعرفينه مايحتاج اعرفج عليه ..
7
- اتشرف بيهم
-عمر: خالي انتَ ليش تضوج من شكلي البريئ
8
-كُميل: تسكت لو اطلع خياساتك
-الاعرج: جايينه حامي كوم عمر صبله ماي مثلج
3
همستلي ام كُميل ..
-مليكه: تعاي وياي يمه
هزيت براسي ووكفت اعدل بعبايتي على راسي مشيت وراها دخلتني لغرفة مبينه غرفتها من اثاثها اشرتلي اكعد كعدت بمكاني واجت كعدت بصفي ..
- كُميل حجالي كلشي يخصج
جمدت حركتي من كلامها ليش حجالها تجمعت دموعي بعيوني ..
1
- خاله بس انه ..
- يمه اسمعيني
هزيت براسي ووضعي كله تخربط ..
- ابني رايدج على سنة الله ورسوله بالحلال ومايصير يايمه كعدتكم غلط سوه وصدكيني كُميل گلبه صافي ونظيف ويحب الخير وهُوَ رايدلج الخير مايكدر يعوفج لان يكول صارت من مسؤؤليتي
1
- خاله بس انه وضعي يختلف ما اكدر اصير زوجة اله
3
- رايد الستر الج مايريد منج شي وداعت الراحو ظلم
22
باوعتلها بتسائل ..
- منو الراحو ظلم
35
اتجاهلت سؤالي وهيه تكمل كلامها ..
1
- هسه شكلتي يابعد عيوني هُوَ طلب مني احاجيج
- لا خاله ما اريد اظلمه وياي وانه ما اريد اتزوج
حجيت هل الكلمات ودموعي نزلن حضنتني وهيه تواسي بيه وبمصيبتي ..
- انه اريدج مو بس هُوَ .. حجالي اهواي عنج الي صارلج راح يتجازون عليه اذا ماخذتي حكج بالدنيا راح تاخذي بالاخره امام رب العالمين
4
حجيت من بين دموعي ..
- بس انه ما اريد اتزوج ما اريد ليش محد يفهمني
رفعتني من حضنها باوعتلي بنضرات ..
- انتِ بس لا حسبالج ابني يريد يتزوجج علمود شي ثاني .. اذا هيج بالج يايمه ف احب اكلج غلطانه مو ابني الي يفكر هيج رايدلج الستر وتكونين بحمايته غير هل الشي ماكو وابني واعرفنه
4
- خاله بس هُوَ مامجبور بيه
3
- غصباً عليه عيل يعوف وحده مثلج اله ماعنده عقل
14
صارت تحجي وتحاول تقنع بيه بهل الزواج بس انه عقلي يكلي كولي موافقه وصيري تحت جنحانه اكيد هُوَ الوحيد الي راح يكدر يحميني وبنفس الوقت ضميري يكلي لا لان هُوَ مامجبور بيج غرام واذا اتاذه بيوم من الايام ف السبب راح يكون سببج زفرت نفس بحسره احسه شك گلبي باوعتلها منتظره جواب مني ..
2
-غرام: خاله راح اوافق بس بشرط
2
-مليكه: اعتبريهن كلهن موافقين عليهن
1
- لا بالاول اسمعيني
- احجي يمه
- راح اوافق على هل الزواج لان انه ماقبل بالحرام ولا عمري تقربت اله او سويته وصح كلامكم كعدتنه كلها غلط بغلط بس انه ..
فركت اصابيعي بتوتر من كلامي گالت ..
- انتِ شنو بنيتي احجي لاتستحين اعتبريني مثل امج
- انه ماراح اصيرله زوجة مثل اي اثنين مزوجين مجرد اصير على اسمه وهُوَ يكمل بحياته مالي اي حق عليه
17
- الي تريدي يصير
- اسئلي كُميل
- بدون ما اسئله مالج علاقه بيه كتلج ابني واعرفنه
هسه شني الي افهمنه موافقه
غمضت عيوني وكل حسرة تطلع مني تهدم جبال ..
2
- اي خاله موافقه واتمنى قراري صح ومااتندم عليه
بس انه ما اريد عرس
1
- ليش يمه
- العرس موالي خلي زواجنا يتم بالشرع والقانون بدون اي مراسم زواج
- براحتج يايمه
طلعنه من غرفتها شفناهم بعدهم على نفس كعدتهم يسولفون صارت انظار كُميل عليه نزلت راسي كعدت بصف امه ..
-كُميل: ها يمه
-مليكه: ان شاء لله خير يمه
ماكدرت اباوعلهم منحرجه وخجلانه من هل الشي گال كُميل ..
- يلا حضرو نفسكم لزواجي
1
رد عليه الاعرج ..
-الاعرج: الباقيه بحياتك خالي
37
صاحت مليكه بيه ..
-مليكه: فال الله ولا فالك وعليمن يمه الباقيه بحياته راح ياخذ وحده ماكو منها جمال واخلاق وحشمه شنريد اكثر
-الاعرج: على كيفج حبي لا يطكج عرج
21
كتمت ضحكتي شلون صارو يداهرون بالحجي هيه وياه بقو يتداهرون لحد ماطلع ..

**
الحمدلله بده بابا يتحسن اندك الباب رحت افتحه اتفاجئت بالواكف ..
-غياهب: انتَ ؟؟؟
2
ضل يتلفت ورجع ثبت نضره عليه ..
-الاعرج: ليش اكو احد غيري ششوفين انتِ
4
- اتفضل شرايد
- اجينا نتحمد لحضرة الوالد
3
- واو
- اي
- بس بابا صار احسن بعد وكت لزيارتك
1
- اشغال .. راح تبقين ضيفكم واكف يم الباب
ردت ارد واجانه صوت درغام ..
-درغام: حياك الله
3
التفت لدرغام سلمو على بعض عفتهم دخلت جوه لحنين سمعت اصواتهم دخلو وصوت ابويه يرحب بيه ..
-حنين: منو اجانه
-غياهب: صديق درغام
- هاا علي لو مجاهد
- ولا واحد منهم
- لعد منو
- شكد تلحين كتلج صديقه
- بسس لا هذه الي شفناه بالمستشقى
- امم اي
- احووي شكد صاك
14
- ايععع منيله جهرته جهرة مجرمين
1
- غياهب شو اسكتي هو انتِ منو يعجبج

2
- اكلج
- كولي عيني
-غياهب: نيروز احسها مو على بعضها
اخذت تفاحه وكعدت تكصص بيها وتاكل واختي واعرفها ضامه شي ..
-حنين: يعني شلون مو على بعضها
- هُوَ انه ليش سئلتج علمود تنطيني جواب مو تسئليني يافهيمه
1
- مادري ماحاجيتلي شي يجوز هيج تعبانه
- اهاا كتيلي تعبانه
- هسه شكو تباوعين بهل الطريقة ذاك بيتهم وروحي الهم اسئليها رجاءً لاتدخلوني بالنص
وكفت اسوي ضيافه للخطار وفعلاً نيروز وضعها ماعجبني لازم اشوفها واحجي وياها معزتها بمعزة حنين صح اصغر منه بسنتين هيه بس ويانه من الطفوله خوفي عليها مثل خوفي على اختي ..
1
دخل درغام والصلف كبل راح لحنين وهاي فتحت حلكها مترتين على كولتها سر سعادتي هُوَ ..
14
-درغام: چفوصي شلونج
-حنين: زينه دلغام
- فدوه اروح
1
-غياهب: احم الضيافه جاهزه
-درغام: ضلي انتِ ضلي تنطيله ما ادري منين وتخربين بكلشي
1
ضحكت اخذ الضيافه وطلع صعدت بدلت لازم اشوف نيروز ذيج الفترة ماكدرت لان وضع ابوي مايسمح وخطار بس هسه الحمدلله نزلت لكيت حنين بعدها كاعدة وعيونها بالجهاز ..
- حنين انه رايح لبيت خالي عمران اذا بابا سئل كليله راحت الهم
- خلي اروح وياج
- لا ابقي يمكن يجي احد بس اشوف شوضع البنيه
طلعت همه موكلش بعيدين علينه فرق شارعين باثناء ماجاي امشي شفت عمي الجبير ومثل كل مره ماسلمت مايستاهل وصلت لبيت خالي همه مخلين كامرات ببيتهم اكيد هسه شافوني دكيت الباب طلعتلي خاله حياة ..
شكد احب هل الانسانه واحنه علاقتنا بالاصل بس ويا بيت خالي جابر وخالي عمران بقية خوالي سطحيه على كد السلام ماحسهم حنونين مثلهم ..
-حياة: منين الشمس طالعه اليوم يالكاطعه
-غياهب: ههههههه والله ياخاله حقج بس بعد تدرين بالظروف وماكو مجال الخطار لليوم واحد جاي واحد رايح
دخلنه جوه وهيه تسئلني على بابا وحنين لان صدك من زمان ماجايينهم من ذاك اليوم المشؤؤم ..
- نيروز وين خاله
2
باوعتلي بحزن عرفت اكو شي ..
- جوه بغرفتها وياريت تشوفينها شبيها راح تموتني صارلها فترة على هل الوضع حابسه روحها بغرفتها
1
ابتسمت بوجها وانه اطبطب على ايدها ..
- ان شاء لله لا يضل بالج
دخلت فتحت الباب شفتها نايمه ومغطيه روحها كلشي ماطالع منها ..
-غياهب: هييي نيروز شنو نايمه
1
ماردت عليه شلت الغطه منها باوعتلي بانزعاج ..
-نيروز: اهووو غياهب عوفيني
- دنجبي وكومي شنو هل الحاله الي انتِ بيها كوومي
كومتها كوه كعدت وكعدت كبالها اباوعلها البنيه ذبلانه عن قبل ..
1
- شبيج حبيبتي ليش هيج وضعج
- مابيه شي مجرد تعب
- سوالفنه ذني الله يسلمج
حسيتها جانت محتاجه هل الشي شخص يضغط عليها تطلع الي بداخلها صارت تبجي بجي فضيع وحاطه ايدها على حلكها تمنع صوتها يطلع ..
1
- نيروز باوعيلي شو شبيج ليش هل البجي لا تخبليني
نامت على رجلي ..
- غياهب انه تعبانه
- زين من شنو احجيلي انه مو اختج
- انه رجعت غلطت بعد ماجنت ماخذه حذري
مافهمت عن شنو تحجي بالضبط ..
- اممم حاولي تفهميني بشنو غلطتي بسس لا اديب الحيوان رجع تواصل وياج
5
- لا شهل قندره حتى رقمي ابوي غيره من زمان
- لعد شبيج لا تخبليني شكو هيج حالتج
كعدت تمسح بدموعها ورفعت شعرها القصير يجي طوله جوه من اكتافها ..
- حبيت شخص
- نعم ؟؟
- اي
- منو هل الشخص
- تعارف من اول كلاص عصير
11
- هههههههههههه لا بله شهل تعارف
- ههههههه والله شبيج ما اشاقه
بدت تحجيلي وكل كلمة تطلع منها جانت كفيله تشرح كل مشاعرها ..
الرجوع الى قبل 3 سنوات ..
2
امشي بحذر صرت حذره بكلشي من بعد غلطتي بمراهقتي ويا اديب وشلون ضحك عليه وشلون وصلت فقدان الثقه بيه من اهلي كلشي جان ابالي وكفت اشتري شي اشربه طلعت فلوس من جنطتي ردت ادفع واجه صوت ولد هادئ مثل شكله ..
5
-عمر: الحساب عليه
1
-نيروز: لا شكرا مايحتاج
التفتت للي يبيع كتله ..
- عمو شكد السعر
- الف
قدمتله خمسة الالاف جانت بايدي ماعندي خرده گال ..
-البائع: ماعندي خرده عمي
- هاا يلا عادي عمو ماريد
صرت امشي سريع دخلت للجامعة كعدت ماعندي احد لان فاقدة الثقه بالكل بعد الي تعرضتله ..
انحط بصفي عصير رفعت راسي شفته نفسه الولد الي شفته يم ابو العصير ..
1
-عمر: تفضلي
-نيروز: شكرا ماريد
- الجو حار واكيد عطشانه
- كتلك ماريد عيوني شكرا الك
- بس مايصير اعتبري دين هسه بعدين رجعيلي الالف
صرت اتأفأف من وكفته گال ..
- راح تطكين بكد ماتأفأفتي يمعوده
- رجاءً عوفني واخذ عصيرك وياك
- تره صرفت الف ربع ينطبح ربع والالف بيه اربع رباعه
23
كتمت ضحكتي ..
- تره هُوَ الف شبيك كتلت نفسك
- ماجايبه بسهوله تخيلي اشتغل وانه طالب جامعة وهسه صرفته عليج
6
- اي اشربه انتَ مو بحاجته انه
- لا مايصير انه بعد شتريته الج

مارديت عليه من شافني هيج عافني وراح وانه ميته من العطش ومشتهيته لزمته بايدي مبتسمه كعدت اشرب بيه ..
بعدها صرت اشوفه كل يوم بالجامعة بس هُوَ جان مرحله اخيرة ما ادري شلون كدرت انطي مجال يدخل لحياتي ..
الرجوع الى الحاضر ..
-غياهب: حبيت التعارف بس شصار ليش وضعج هيج
-نيروز: صار شي مامتوقعته ومنه خصوصاً
- اي ؟ شنو تره موتيني
- تقرب الي بدافع شي واحد
- شنو
- الانتقام
8
صفنت بوجهه استوعب كلامها ..
- انتقام ؟ انتقام شنو
بدت تحجيلي كلشي صار من راحتله وشلون حجالها كلشي ..
1
- غياهب هُوَ استغلني
- بس تبقى نقطة مفقودة الانتقام من منو ؟

وكفت تفتر بالغرفه وهيه حايره ..
- ما ادري ما ادري غياهب راح افقد عقلي من جهه مقهوره لان استغلني وكسرني ومن جهه اريد اوصل لنقطة فهم بخصوص اي انتقام وليش ومن منو وانه شنو علاقتي بهل الشي

- راح نفهم كلشي بس نيروز حاولي تكونين طبيعية كدام اهلج بدو يشكون اكو شي خليج قوية وارجعي لطبيعتج وماكو شي ينضم لابد يظهر كلشي

باوعت من الشباك الدنيا ليل صارت وكفت لان اتأخرت كلش من العصر جايه ..
-غياهب: انه هسه راح ارجع للبيت وانتِ مثل ماوصيتج هل الـ عمر اكيد وراء شي بس اتوقع هل الشي جبير وخطر لذالك حجالج وبعدج عن طريقه

طلعت صارت بوجهي خاله حياة ..
-حياة: وين رايحه ولج

-غياهب: خاله لازم ارجع للبيت اتأخرت
- هسه خالج يضل يحجي بس يدري رحتي
- والله ما اكدر غير مره ان شاء لله
طلعت والشارع يصوصي بقيت امشي طلعت من اول فرع دخلت بالفرع الثاني مباقي شي واوصل لبيتنا بس اتوقفت عن المشي من شفت سيارة وكفت سوده باوعت كلشي ممبين منها عكدت حاجبي صار خيال من وراي ردت التفت وانحط شي على وجهي فقدت التوازن وانه ادفع بيهم غمضت عيوني فاقدة ..

فتحت عيوني ماشوف شي بس سواد عيوني مغوشه شويه شويه بدت تتوضح الرؤيا عندي واحد واكف لابس سواد بسواد منطيني ظهره لاف للثام على وجهه ركزت بيه هل الهيئه مو غريبة عليه ..

معقوله هُوَ لا مستحيل هُوَ خلاص راح دار وجهه الي لابس مناظر سود والدنيا ليل شبيه هذه ابتسمت بأستهزاء ..

-غياهب: شبيك داده لابس سواد بسواد
جان اكو كرسي وره لباب كعد عليه ومايرد عليه بس يهز براسه اتأفأفت بعصبيه ..
- يول شبيك خنيث رابطني تعال افتح الحبل واشوفك النسوان شتخلف ولو امي مابيها حض مثلك بس الي رباني خوش رجال

جسمه صار يهتز الواضح يضحك اجه يمشي باتجاهي وبايده نفس الكرسي الي جان كاعد عليه كعد كبالي وعطره كفخني هذه العطر مو غريب عليه بلعت ريكي شجاي يصير ياربي  زادت دكات گلبي ..
- منو انتَ ؟

نزع النضارات من عيونه وشال الي على وجهه توسعت عيوني بصدمة من الصدمة حتى عيوني توقفت عن الرمش ...

للحكايا بقايا ..»


ارشيف لسهوله ايجاد القصص✔

اضغط على الرابط ويظهر لك اول بارت من القصه ❄

https://www.tg-me.com/+Q8vvRebV35Q4Mjgy

#تفاعلكم_يسعدنه_ننشر_قصه_جديده_تصويت


يتبع....